Buscando un topico?
Mustra tur topico

Biblioteca durante Vakantie
Dialuna 10 di Juli di 2017 00:00

Biblioteca Nacional Aruba (BNA) na Oranjestad y San Nicolas ta habri durante periodo di vakantie grandi. Ambos ta ofrece e posibilidad pa entrega buki sin paga boet durante vakantie como tambe actividadnan di presentacion di pelicula pa mucha den aire liber.

Biblioteca San Nicolas

Pa motibo di e trabounan di renobacion Biblioteca San Nicolas a muda pa un otro espacio. Biblioteca San Nicolas ta temporalmente den e edificio di ex-SINFA, situa na Zeppenfeldstraat # 10/11.

Aki bishitante di Pos Chikito, Savaneta y San Nicolas lo por acudi pa cualkier informacion, prestamo di buki y otro servicio di biblioteca. Por usa e espacio pa lesa, studia y otro actividad informativo.

Alabes ta anuncia cu miembronan cu ta entrega nan buki durante vakantie grandi no ta paga boet. Entrega buki sin paga boet ta posibel te cu diabierna dia 25 di augustus.

Un y tur ta bon bini. Biblioteca San Nicolas ta habri 5 dia pa siman non-stop di 9or pa 5or y tambe diamars anochi di 5or pa 7or.

 


Debi cu e espacio ta limita ta organisa durante vakantie grandi diferente presentacion di pelicula den aire liber pa mucha na Scol di Arte na San Nicolas. Esaki ta danki na cooperacion di UNOCA.

Presentacionnan ta cuminsa pa 7or anochi riba diaranson dianan 12, 19, 26 di juli y e ultimo presentacion ta dia 2 di augustus. Esaki ta un actividad pa famia y ta gratis.

Pa e muchanan di San Nicolas y becindario ta pasa e siguiente peliculanan:

Fecha: Pelicula:
12 di juli 2017 Sing
19 di juli 2017 Beauty and the beast
26 di juli 2017 Boss baby
3 di augustus 2017 The smurfs

 

 

 

Biblioteca Oranjestad

Durante vakantie grandi biblioteca na Oranjestad ta habri 5 dia pa siman non-stop di 9or di mainta pa 5or di atardi y riba diaranson tambe di 5or di atardi pa 7or di anochi.

Durante vakantie grandi Biblioteca Nacional Aruba (BNA) ta presenta diferente pelicula den aire liber.

Tur diahuebs anochi tin presentacion di un pelicula pa mucha den aire liber patras di BNA na Playa pa 7'or di anochi. E prome presentacion ta tuma luga diahuebs dia 13 di juli y e ultimo presentacion ta diahuebs dia 3 di augustus.

Fecha: Pelicula:
13 di juli 2017 Sing
20 di juli 2017 Beauty and the beast
27 di juli 2017 Boss baby
3 di augustus 2017 The smurfs


Biblioteca Nacional Aruba
(BNA) ta invita tur mucha pa bin disfruta di Sing, Beauty and the beast, Boss baby y The smurfs. Entrada ta gratis pa tur mucha.

 

 

Info / Contact
Biblioteca Nacional Aruba (BNA)