Appel di Oro



Ministerio di Enseñansa hunto cu Departamento di Enseñansa ta presenta pa di tres aña consecutivo:

Appel di Oro | Un Premio Nacional di Excelencia den Enseñansa.

Despues cu durante cuater aña (2011-2014) a organisa e proyecto “Maestro di Aña” como un premio di reconocemento pa e Maestro di Scol, desde aña 2015 a scoge pa amplia e proyecto pa duna reconocemento na mas actor cu ta importante pa enseñansa. Appel di Oro ta reconoce tur esnan cu ta dedica nan bida profesional na enseñansa di nos comunidad.


Participacion

Participacion ta habri pa tur scol di Enseñansa Primario, Enseñansa Secundario, Enseñansa Specialy Enseñansa Superior reglamenta na Aruba. Cu e Premio Nacional di Excelencia den Enseñansa lo duna reconocemento den e categorianan di:

  • Proyecto Escolar (Proyecto di Inovacion)
  • Maestro
  • Dirigente (Cabesante, Director, Rector of Unit Manager)
  • Lifetime Achievement (Maestro, Dirigente of Actor di Sosten pensiona)

Mas informacion: [Criteria pa nominacion]


Con pa nomina

Henter comunidad: alumno, studiante, mayor, coleganan maestro y/of dirigente di scol, ta bonbini pa nomina un persona of proyecto escolar pa Appel di Oro 2017.

Pa haci esaki mester entrega:

  1. Formulario di Nominacion pa Appel di Oro 2017
    Yena e formulario caminda ta describi en corto y mas concreto posibel pakico e persona of proyecto merece un Appel di Oro;
  2. Carta di Referencia
    Entrega hunto cu e formulario di nominacion minimo un (1) carta [ehempel di carta di referencia].

E temporada di nominacion pa aña 2017 ta cera diabierna dia 1 di december 2017.

 


Noticia


Info / Contact

Departamento di Enseñansa Aruba (DEA)

Scroll To Top
  • © 2011-2017 Department of Education Aruba (DEA)
  • T +297-528-3400
  • F +297-528-3434
  • info@ea.aw