Lesamento
Importancia di Lesamento
Lesamento ta importante pa cada ser humano. Lesamento ta contribui ampliamente na nos conocemento y desaroyo. Un mucha cu ta lesa ta desaroya su idioma(nan) y conocemento di palabra, ortografia y gramatica. Lesamento di ficcion ta stimula e fantasia y ta siña e mucha empatia, pues e habilidad pa compronde y tene cuenta cu sentimento y emocion di otro. Lesamento ta desaroya concentracion, ta contribui na desaroyo social, pensamento critico y formacion di opinion.
Buki di lesa na Papiamento
Den transcurso di tempo, Proyecto Idioma y Seccion Desaroyo di Curiculo di Departamento di Enseñansa Aruba (DEA) a publica hopi literatura pa mucha di scol preparatorio y scol basico. Awendia por papia di un coleccion amplio di buki di lesa pa mucha di edad 4 pa 12 aña. Proyecto Idioma di Departamento di Enseñansa Aruba (DEA) tambe a publica diferente buki na Papiamento pa hoben di edad 12 pa 16+. Tin obra original, skirbi y ilustra pa nos autornan y ilustradonan local. Y tin traduccion tambe, tanto di obra Caribense como internacional. Tur e bukinan aki a bay scol y ta disponibel pa fia na Biblioteca Nacional di Aruba.
Lesa buki online
Hopi di e storianan ta obtenibel online via nos catalogo di material educativo. Por lesa e storianan online aki:
Festival di Buki pa Mucha
Na Aruba e prome edicion di e “Siman di Buki pa Mucha” a tuma luga na aña 1993. Un proyecto basa riba e Kinderboekenweek cu e meta pa stimula lesamento cerca tur mucha den comunidad. Durante un siman un grupo di autor di buki pa mucha, ilustrador y contadornan di storia ta bishita e scolnan preparatorio, basico y special riba nos isla, pa conta storia, pa papia tocante buki y pa stimula e muchanan pa lesa. Den cuadro di e tema di e festival ta produci tambe un “Lespakket” special pa scol.
Proyecto Promocion di Lesamento
Durante aña escolar 2013-2014, Departamento di Enseñansa Aruba (DEA) a lansa Proyecto Promocion di Lesamento den cuadro di e projectdossier “Voorzieningen Taalbeleid”, cu tabata un programa financia pa Fondo Desaroyo Aruba (FDA).
Proyecto Promocion di Lesamento a ehecuta diferente actividad manera guia y sosten na scol, capacitacion y informacion pa maestro y mayor.
A desaroya diferente material pa sostene (promocion di) lesamento manera e katernnan ‘Lesa cu placer’ pa tur maestro di scol preparatorio y scol basico y readers cu teoria y tip practico.
Articulo
- 04-04-2019 – A “million word gap” for children who aren’t read to at home (The Ohio State University)
Noticia
- 22 Buki digital nobo na Papiamento (6/4/2025)
- Buki digital nobo na Papiamento (5/13/2025)
- 21 buki digital nobo na Papiamento (10/30/2023)
- Renobacion edificio Biblioteca na Playa casi cla (8/18/2023)
- 3 buki digital nobo na Papiamento (1/17/2023)
- Mas buki digital na Papiamento (1/3/2022)
- Idea pa regalo di BNA: Buki “Bira loke bo kier” (12/17/2021)
- Festival di Buki pa Mucha: Tayer pa Maestro (9/15/2021)
- Podcast ‘Biba la Bieb’ (8/11/2021)
- Servicio Mediateca Escolar (3/12/2021)
Info / Contact
DEA > Proyecto Idioma den Enseñansa
Scroll To Top
