Kerndoelen


Na inicio di 2018 Minister di Ensenañsa, dr. A. R. Lampe, a firma e metanan nucleo pa enseñansa primario, esta pa tur scol preparatorio y basico na Aruba. E metanan aki ta describi tur locual cu tur scol mester logra alcansa cu nan alumnonan na final di scol primario.

Cu aprobacion di e metanan nucleo a keda oficialisa un etapa nobo y historico den enseñansa na Aruba. E metanan aki ta pa tur scol cu ta subsidia door di gobierno di Aruba.


Vision

E vision cu kier alcansa cu e metanan nucleo ta: “Enseñansa cu sentido cu ta conduci na individuo consciente y na un comunidad solidario”.

Cu e vision aki ta aspira pa yuda forma futuro cuidanano capacita pa enfrenta reto riba diferente tereno den bida y alaves crea cuidadano cu ta contribui na un manera positivo na nos comunidad.

Meta nucleo ta duna descripcion general di e contenidonan di enseñansa y ta indica locual ta aspira pa alcansa na final di scol primario. E metanan ta forma un instrumento primordial cu ta duna indicacion na cada maestro tocante e contenido minimal cu e mester ofrece na e alumnonan. E metanan nucleo ta consisti di tres componente: conocemento, habilidad y actitud. E metanan nucleo ta garantisa contenido di calidad y mas importante, contenido relevante pa nos muchanan na Aruba den un contexto autentico. E metanan nucleo mester conduci na alcansa e vision cu a stipula pa enseñansa na Aruba.


Documento

E “kerndoelendocument” ta e prome edicion oficial pa Enseñansa Primario na Aruba.

E documento ta consisti di tres parti:

  1. E prome parti ta contene informacion general di e vision pa Enseñansa Primario y ta duna un splicacion di e structura di e “kerndoelen”;
  2. E di dos parti ta describi e “vakoverstijgende kerndoelen”;
  3. E di tres y ultimo parti ta duna un bista di e “kerndoelen per vormingsgebied”.

Ademas di e ‘kerndoelendocument’ lo tin un ‘kerndoelenwerkdocument’ pa cada area di formacion.

Na aña 2015 a desaroya e prome ‘kerndoelenwerkdocument’, esta Kerndoelen Werkdocument Rekenen & Wiskunde. E documento aki ta consisti di kerndoelen, streefdoelen y tussendoelen pa cada klas di scol preparatorio y basico.


Video


Kerndoelen werkdocument Rekenen & Wiskunde

E Kerndoelen Werkdocument Rekenen & Wiskunde ta un instrumento pa tur scol preparatorio y basico. E ta un documento cu ta duna scolnan sosten pa operacionalisa e metanan nucleo pa cada klas.

Na luna di october 2015 a introduci kerndoelenwerkdocument “Rekenen / Wiskunde”, esta matematica, y esaki a keda presenta na scolnan di enseñansa preparatorio.


Download

Por obtene e documentonan:

den e siguiente link: > Documento & Publicacion > K > Kerndoelen


Noticia


Info / Contact

DEA | Seccion Curriculum Ontwikkeling |  Ministerio di Enseñansa

Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.
Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw