Buscando un topico?
Mustra tur topico

Acuerdo formalisa cu Humber College
Diahueps 07 di September di 2017 00:00

Ministerio di Enseñansa di Aruba a firma un MoU cu Humber College di Canada. Esaki ta e di 6 acuerdo firma cu un institucion pa enseñansa superior di Canada.


Banda di esaki a firma tambe 4 acuerdo cu varios scol na Merca cu ta cumpli cu e deseonan di diversificacion pe studiantenan di Aruba por tin mas escogencia pa programanan na nivel di University y College.

Minister di Enseñansa Michelle Hooyboer-Winklaar tabata contento di por a finalisa e di 10 acuerdo, y un ultimo prome cu e termina su trabou como Minister di Enseñansa.

Minister Hooyboer-Winklaar a duna bonbini na e partnernan y na Victor Stott di e Embahada di Canada na Venezuela. Victor Stott a yuda cu organisacion di e EduCanada Fair cu a tuma luga e siman aki, banda di varios encuentro cu scolnan na Canada durante e ultimo 4 aña. Hunto cu Victor Stott y Minister Hooyboer-Winklaar, tabata presente un representante di Humber College. E representante a bin Aruba cu tur documento firma door di e presidente di e College.


E acuerdo aki ta representa diferente beca cu lo ta disponibel pe studiantenan a base di nan GPA y e tipo di programa cu e studiantenan lo scoge. E acuerdo aki ta uno un biaha mas cu ta duna studiantenan diferente beneficio cu kisas no ta existi pa otro studiantenan den region.

"Pa nos e ta algo cu ta habri diferente porta, diferente oportunidad pa nos studiantenan", e mandatario a duna di conoce.

E studiantenan ta haya e oportunidad di sigui nan estudio na e nivel aki na un pais cu pa Ministerio di Enseñansa ta importante pa crea opcion aki. A mira cu studiantenan kier tin varios opcion, di cual nan no kier tin simplemente 1 of 2 pais cu nan por scoge. Nan ta haya e espacio pa explora y scoge e programa, pero tambe e pais cu pa nan ta uno cu ta fit mas miho.

 


Website

Website: [humber.ca]

 

 

Pa mas informacion busca den e alfabet menu riba nos homepage:
S
Studia na Canada
Info/Contact
Ministerio di Enseñansa
Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.