Luna di Enseñansa 2016
Celebracion di “Luna di Enseñansa“ ta cuminsa cu nominacionnan pa Appel di Oro, Premio Nacional di Excelencia den Enseñansa na Aruba, asina Minister di Enseñansa Michelle Hooyboer-Winklaar a anuncia recientemente durante un Conferencia di Prensa.
Appel di Oro 2016
Ministerio di Enseñansa hunto cu Departamento di Enseñansa ta presenta e di dos edicion di e proyecto Appel di Oro | Premio Nacional di Excelencia den Enseñansa na Aruba.
Mensahe di Minister di Enseñansa
“E regalo di mas balor cu nos por duna nos yiunan ta tempo“ ta e mensahe di Minister di Enseñansa Michelle Hooyboer-Winklaar na ocasion di apertura di aña escolar nobo.
Amsterdam a yama bon bini na studiantenan di Aruba
Den stadhuis di Amsterdam a tuma luga un recepcion pa e studiantenan di Curaçao, Boneiro, St. Maarten, St. Eustatius y Aruba. Den e sala di reunion di e municipio di Amsterdam lider di fraccion di PvdA, Marjolein Moorman a yama tur e studiantenan bon bini.
Minister di Enseñansa di bishita na Colegio Sagrado Curason
Aña Escolar 2016-2017 a habri cu hopi expectativa. Studiantenan tabata hopi contento riba e prome dia di scol, un dia special cu Minister di Enseñansa, Michelle Hooyboer-Winklaar, a bishita Colegio Sagrado Curason unda el a wordo ricibi pa un grupo grandi di muchanan y pa e cabesante sra. Lillith Rasmijn.
Educacion Basico: Focus op Geletterdheid
Na maart 2016 Departamento di Enseñansa a cuminsa cu e proyecto di Educacion Basico: “Focus op Geletterdheid” riba tereno di Enseñansa pa Adulto. E proyecto aki tin como meta pa hisa e grado di educacion di adulto na Aruba.
Arubalening y Seguro na Hulanda
Departamento di Enseñansa Aruba (DEA) ta informa cu a provee tur studiante cu “Arubalening“ cu seguro na Hulanda.
Train de Trainer
Departamento di Enseñansa Aruba a cuminsa cu e proyecto di desaroyo y renobacion di Programanan di Estudio na EPI, EPB y OAA na November 2015.
Ayudo financiero pa bay scol
Pa e aña escolar 2016-2017 Gobierno lo bolbe duna un ayudo financiero extra na tur famia cu ta riba bijstand y cu tin yiu cu ta bay scol. Esnan cu por bin na remarca pa e sosten extra aki ta mayornan y yiu(nan) of yiu(nan) di criansa cu ta bayendo scol te cu e edad di 24 aña y cu tin derecho ariba bijstand te cu e pago di luna di Augustus 2016.
Keda sinta?
Minister di Enseñansa (Hooyboer-Winklaar) ta anuncia cu e aña aki ta bay efoca riba reduci of elimina e fenomeno di keda sinta (zittenblijven) pa medio di un proyecto piloto introduci na tur Scol Publico.
Renobacion di cura pa 4 scol
Minister di Enseñansa ta informa cu recientemente a aproba e proyecto pa renobacion di cura pa 4 scol. Dienst Openbare Werken (DOW) a traha overtime pa por a cumpli cu e fecha cu Fondo Desaroyo Aruba (FDA) a stipula. E proceso pa e destaho publico a dura mas o menos 3 luna.
Renobacion Rosa College por cuminsa
Dia 4 di augustus ultimo tabata un dia di alegria y celebracion pa e team di Rosa College ya cu e acto di firmamento a tuma luga pa cu financiamento di renobacion di e edificio unda nan scol basico ta ubica.
Aumento den cantidad di alumno pa ciclo basico HAVO/VWO
Conforme informacion oficial ricibi di Inspector General di Enseñansa, un total di 292 alumno lo inicia aña escolar nobo den ciclo basico 1 na Colegio Arubano y Colegio San Nicolaas.
Studiantenan a yega Hulanda bon
Den Haag – Cu tres vuelo di KLM a yega awe 31 di juli un cantidad di 210 studiante di Aruba pa sigi un estudio avansa na nivel HBO of Universidad na Hulanda. Na Schiphol e studiantenan a keda ricibi pa un delegacion consistiendo di Minister Plenipotenciario di Aruba Alfonso Boekhoudt, directora di Gabinete di Aruba Shandra John, functionarionan di afdeling onderwijs di Gabinete di Aruba, studiementoren y miembronan di e Plaatselijke Opvang Commissie (POC).
Minister den combersacion cu Centennial College
Recientemente Minister di Enseñansa Michelle Hooyboer-Winklaar a bishita varios colleges y universidadnan na Canada. Entre nan tambe e prome college na Ontario, Canada estableci na aña 1966, Centennial College.
Mas upgrading pa Colegio San Nicolas
Ministerio di Enseñansa ta informa cu Colegio San Nicolas ta sigui conoce mas “upgrading”, mas ampliacion y renobacion.
Deliberacion avansa pa acuerdo cu CALDO
Recientemente Minister di Enseñansa Michelle Hooyboer-Winklaar a reuni cu dr. Carolyn Watters, Presidente di CALDO Consortium na Canada, un organisacion cu actualmente ta representa 9 universidad prestigioso na Canada y cu ta fungi como e “gateway” entre Latino America y Canada riba tereno di enseñansa superior.
Renobacion na DEA na Frankrijkstraat
Departamento di Enseñansa Aruba (DEA) ta informa cu su oficinanan na Frankrijkstraat na Eagle lo ta cera pa matencion y renobacion cuminsando dialuna dia 18 di Juli 2016.
DPS ta clausura aña escolar 2015-2016
Pa di dos aña consecutivo Dienst Publieke Scholen (DPS) riba e prome dia di vakantie grandi a celebra clausura di e aña escolar cu un encuentro ameno cu tur cabesante y lider di scolnan cu ta resorta bou di DPS.Lesa mas
Guia Comunitario ORG.aw
Mescos cu hopi pais rond mundo, pronto Aruba tambe lo conoce su propio “Guia Comunitario”, un sistema online na unda por busca informacion tocante organisacionnan y servicionan brinda na nos comunidad, incluso di nos scolnan na Aruba. E Guia Comunitario ta un plataforma online cu ta yama ORG.aw, cual ta referi na e palabra ‘organisacion’.
Scroll To Top