Gobierno ta aproba cambionan importante den Arubalening
Minister Hooyboer-Winklaar ta sumamente contento di por anuncia cu recientemente Conseho di Minister a aproba un nota di maneho entrega, cu ta inclui cambionan den rente, e periodo pa paga e lening bek y un aumento di e suma maximo di Arubalening pa Merca y Canada.
Acuerdo cu Niagara College Canada
Recientemente Minister di Enseñansa Michelle Hooyboer-Winklaar a firma un acuerdo cu Niagara College di Canada. Representante di e scol como tambe di e Embahada di Canada encarga cu Aruba y Corsou tabata presente na e ocasion aki.
Fundacion Autismo cu tayer pa educador
Despues di a reuni cu miembronan di directiva di Fundacion Autismo Aruba (FAA), Minister di Enseñansa Michelle Hooyboer-Winklaar a expresa su satisfaccion riba e avancenan di presentacion di un tayer dirigi na educadornan riba autismo y e comportacion cu ta bin cu ne.
Renobacion di Biblioteca San Nicolas
Gerente di Biblioteca Nacional Aruba ta contento di por informa publico cu e proyecto di renobacion di e edificio di Biblioteca San Nicolas ta cuminsa na luna di februari 2017.
Arubahuis den combersacion cu studiante
Den Haag – Minister Plenipotenciario Juan David Yrausquin a tene un encuentro cu alrededor di 50 studiante for di Groningen y for Leeuwarden pa scucha di e studiantenan con por mehora servicio di Gabinete di Aruba na Hulanda (Arubahuis).
Niagara College cu anochi di informacion
Minister di Enseñansa conhuntamente cu representante di Niagara College lo tene un anochi di informacion caminda lo trata studiamento na Canada en general y lo enfoca riba e diferente programanan di estudio cu Niagara College tin pa ofrece.
Scolnan basico ta ricibi metodo pa preveni abuso di mucha
Recientemente Minister di Enseñansa Michelle Hooyboer-Winklaar a ricibi Daniel Tecklenborg, Director di CEDE Aruba, Rose-Marie Provence di Fundacion Muchila Creativo y Carmen Kock-Herrera, Director di Grupo Teatral Kibrahacha y Stichting PROTEA, den cuadro di introduccion di e metodo pa prevencion di abuso di mucha cu lo aplica na tur scol di Aruba.
Inscripcion pa maestro di Enseñansa Primario na IPA
Instituto Pedagogico Arubano (IPA) kier informa tur persona cu ta interesa pa haci e estudio pa maestro di enseñansa primario na IPA cu su portanan ta habri pa inscripcion.
Presentacion na BNA di Denis Henriquez su ultimo novela
Diaranson venidero autor Denis Henriquez lo ta na biblioteca pa presentacion di su ultimo novela ‘Het sterven van Rebecca Lopez Ikario‘.
Acuerdo cu Bishop’s University (Canada)
Minister di Enseñansa Michelle Hooyboer-Winklaar a logra formalisa un acuerdo cu Bishop’s University na Quebec, Canada pa scholarship di $4000 pa aña pa studiantenan di Aruba.
Scroll To Top
