Actividad


Durante varios aña escolar entre 2013 y 2016, Proyecto Promocion di Lesamento a dirigi su mes riba diferente actividad.

Preparacion

Guia y sosten na scol

Capacitacion

Informacion na maestro y mayor

Material pa scol preparatorio y basico

Mas abou por lesa tocante e realisacion di e Proyecto Promocion di Lesamento y e actividadnan.


Encuesta

Despues di hopi preparacion, Proyecto Promocion di Lesamento a cuminsa na februari 2013 cu un encuesta. A bishita tur scol basico pa haya un idea di e situacion na scol relaciona cu buki y lesamento. Tambe a pidi tur cabesante pa yena un encuesta cu pregunta tocante e accesibilidad y uzo di buki pa lesa na scol.

E resultadonan mas importante tabata:

Update:


Presentacion

A presenta e proyecto na diferente periodo pa informa:

Den luna di maart, april y mei 2014 a presenta e proyecto na tur maestro di scol primario na Emma school. Olga Buckley di Fundacion Bon Nochi Drumi Dushi a presenta e parti “Lesamento ta duna placer”. Angelique Maduro a duna un splicacion tocante e proyecto Promocion di Lesamento.


E Scolnan Promotor

E brochure ‘Trayecto – Lesa dushi, lesa mas -’ ta trata e trayecto pa e scolnan promotor di e proyecto. Tur scol a ricibi e brochure na dos idioma; Papiamento y Hulandes. Scolnan cu no ta scol promotor tambe por haci uzo di tur e informacion den e brochure. A pidi e scolnan promotor pa yega na un producto final, cu ta pa traha y añadi e parti di promocion di lesamento den nan plan di scol. E parti di promocion di lesamento lo fungi como ehempel pa e otro scolnan.

E dos scolnan promotor di e proyecto ta:

Despues di a inicia e trayecto a bin resulta cu e producto final ta mas bien un meta cu lo mester logro riba termino largo. Pius X School ta trahando riba dje y lo pon’e riba e website ora nan ta cla. Aki por lesa mas tocante e scol promotor.

Pa motibo di circunstancianan fuera di nan alcance, Rosario College mester a retira como scol promotor.


Competencia di pintamento

E muchanan di Pius X School y Rosario College a participa na un competencia di pintamento. Danki na e muchanan aki, nos tin hopi bonita pintura cu nos por uza pa riba e website aki y pa e katernnan. Pa medio di un donacion di e oficina di abogado HBN Law, e scolnan por a duna e ganador di cada klas cu a participa un premio.

E ganadornan di Pius X School tabata:

E ganadornan di Rosario College tabata:


Coordinado y buddy

Tambe a boga pa cada scol basico tin un maestro/a como coordinado di promocion di lesamento y un buddy pa asistie y sosten’e den su tareanan.

E coordinado di promocion di lesamento na scol ta un maestro hopi motiva riba tereno di lesamento, cu ta stimula promocion di lesamento na su scol.

Den Anexo 1 di e brochure Trayecto – Lesa dushi, lesa mas –, ta splica mas tocante e tarea di coordinado di lesamento.

Un grupo di coordinado y buddy di mas o menos 50 maestro/a di 25 scol basico a inscribi. E grupo aki a sigui un curso unda nan a haya herment pa por haci nan tareanan miho. E curso a consisti di 3 encuentro, esta na januari, maart y april di 2014.

Tur scol, tambe esunnan cu no tin un coordinado, a ricibi un ordner cu e reader pa coordinado y buddy. Nos a propone pa añadi tur reader di e tayernan pa maestro, e katernnan y kisas otro informacion tocante lesamento den e ordner. Tambe pa warda e ordner aki na un luga central den scol, na unda tur maestro por yega na dje.


Tayer pa maestro

Den aña escolar 2014-2015, nos a cuminsa ofrece e tayernan pa maestro. Scol preparatorio por a participa na 5 tayer y scol basico por a participa na 8 tayer.

E topiconan cu a trata tabate entre otro Lesamento interactivo, Maletin di cuenta, Kamishibai y Mesa di cuenta, Wega di popchi, Mimica, Actividad creativo cu texto, Biblioteca na scol, Actividad cu buki y Skirbimento creativo entre otro.

Nos a ricibi feedback positivo di e cantidad grandi di maestro cu a bishita e tayernan. Den cada tayer tabatin un exposicion pa mustra material y a duna un reader cu teoria y tip practico.

Aki por lesa e readers on-line:

> Tayer pa Maestro


Katern

E katernnan ‘Lesa cu placer’ ta pa tur maestro di scol preparatorio y scol basico. Nan ta contene hopi informacion tocante lesamento. E prome katern a sali na cuminsamento di februari 2015.

Tin 8 katern en total y a parti nan regularmente te na final di aña escolar 2015-2016. Na september 2016 a manda e katernnan pa otro interesado tambe, manera Minister di Enseñansa, inspectie, directivanan di scol, BNA, IPA y diferente otro instancia, manera Fundacion Bon Nochi, Drumi Dushi, etc.

Aki por lesa e katernnan online:

> Katern ‘Lesa cu placer’


Buki y material

Pa sostene e proyecto aki a distribui pakete di buki na diferente idioma, manera Papiamento, Hulandes, Ingles y Spaño. A duna buki di diferente tipo: buki di strip (Kuifje, Suske en Wiske, De Smurfen), buki informativo, pa mucha homber y mucha muhe y pa diferente edad. Scol a ricibi buki tambe pa e maestronan por amplia nan conocemento riba tereno di lesamento.

Alabes a duna material pa promove lesamento; poster pa den klas, marcapagina pa e muchanan y un ‘hangpoppenkast’ cu su popchinan.

Cada scol preparatorio, basico y special a ricibi un pakete di buki y material. E pakete a varia segun e necesidad di cada tipo di scol.

Aki por wak e pakete di buki y material di:

Nos ta spera cu e bukinan y e materialnan aki a cay na agrado y cu esaki lo ta un estimulo pa engrandece e mundo literario di nos muchanan y un incentivo pa engrandece of start actividad di promocion di lesamento den tur klas.

 


Info / Contact

DEA > Proyecto Idioma den Enseñansa

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw