Idea pa regalo di BNA: Buki “Bira loke bo kier”
Den cuadro di e anual Festival di Buki pa Mucha, Biblioteca Nacional Aruba (BNA) a publica un buki di storia y poema inspirativo pa mucha, cu por haya gratis na tur libreria ora cumpra un buki pa mucha. Un bunita regalo di Pasco!
Titulo di e publicacion ta ‘Bira loke bo kier! Storia y poema inspirativo pa e muchanan di Aruba’.
E storianan y poema ta di Lorena Boekhoudt, Annemarie Jongbloed, Jeroen Hoogerwerf y Lizzy van Pelt. E storianan ta stimula mucha pensa riba nan soño pa futuro.
Tin storia pa mucha di 4 pa 12 aña na Papiamento y Hulandes.
Ilustracionnan colorido ta duna e storianan un dimension magico y tropical. Ilustracion ta di Petra Heezen y Robert Solognier (Robby).
Esaki ta un publicacion di Biblioteca Nacional Aruba hunto cu Levendig Uitgever.
E buki ta un regalo pa e muchanan di Aruba. Por haya e buki gratuitamente na tur libreria ora cumpra un buki pa mucha, tanten cu tin. Un bunita regalo di Pasco!
Gerente y staf di Biblioteca Nacional Aruba (BNA) ta desea su bishitantenan dushi dianan di fiesta, yena cu paz y alegria. Alabez nos kier a informa cu tur tres localidad ta cera di dia 23 di December, 12or y ta habri bek dialuna dia 3 di januari 2022.
Info / Contact
Biblioteca Nacional Aruba (BNA)
Scroll To Top
