3 buki digital nobo na Papiamento
Aña nobo, publicacion nobo! Proyecto Idioma den Enseñansa kier comparti e bon noticia cu comunidad di Aruba, cu tin 3 buki digital nobo na Papiamento atrobe pa mucha y hoben.
E bukinan aki a keda publica riba papiamento.aw. Proyecto Idioma ta desea pueblo, y especialmente nos muchanan y hobennan, un bon aña cu hopi placer di lesamento.
E magia di barbulet, skirbi pa autor Mili Arends, ta pa mucha di 8 pa 10 aña y ta combina storia cu echo fascinante tocante e barbulet Monarca na Aruba.
No lubida mi, skirbi pa e autor local Desiree Croes, ta un storia pa hoben di 16 aña bay ariba cu ta pone bo pensa: tin bida despues di morto? Tin pregunta di reflexion y discusion tambe cu por download pa yuda compronde e storia mas miho.
E bolo di batrey magico, skirbi pa autor Loekie Morales, naci na Corsou y biba na Sint Maarten, ta un obra bilingual (Papiamento cu Hulandes) pa mucha di 10 pa 12 aña. E buki aki ta trece e importancia di herencia cultural y historia padilanti pa medio di e storia di un mucha muhe cu ta biaha bay bek den tempo.
(di robes pa drechi) Desiree Croes, Mili Arends, Loekie Morales
Lesa e bukinan
Por lesa e buki / storianan aki:
- Catalogo di material educativo di Departamento di Enseñansa: ea.aw > Catalogo > Buki di lesa
- Website Papiamento: papiamento.aw > Biblioteca > Literatura > Buki pa mucha / Buki pa hoben.
Info / Contact
Pa mas informacion por busca den e alfabet menu riba nos pagina principal:
Pa pregunta por tuma contacto cu:
Scroll To Top
