Festival di Buki pa Mucha


Kinderboekenweek

Na aña 2018 Biblioteca Nacional Aruba (BNA) a organisa e di 26 Festival di Buki pa Mucha. Un proyecto anual pa stimula lesamento cerca mucha. E festival ta basa riba e Kinderboekenweek organisa na Hulanda desde 1954. Na Aruba e prome edicion a tuma luga na 1993.

E Festival di Buki pa Mucha ta tuma luga tur aña na final di october /cuminsamento di november.

Durante e siman di Festival di Buki pa Mucha un grupo di autor di buki pa mucha, ilustrador y contadornan di storia ta bishita e scolnan preparatoriobasico y special riba nos isla, pa conta storia, pa papia tocante buki y pa stimula e muchanan pa lesa. Durante e siman aki e muchanan por participa na e ‘actividad di atardi’ na BNA pariba y pabou.

E tema di e festival ta cambia tur aña. Den e mesun luz di e tema ta duna un workshop pa tur Maestro di scol preparatorio, basico y special (september). Desde aña 2011 ta produci un lespakket cu idea, cu ta yuda e maestronan prepara pa e Siman di Buki pa Mucha. Cada scol ta ricibi un tas, den dje tin un ‘auteursmap’ cu ta duna informacion di e autornan participante, informacion tocante e Festival di Buki pa Mucha y e Regalo di e Siman di Buki, locual ta un publicacion nobo. Tambe por haya e buki aki gratis na nos librerianan local cu cada compra di 25 florin.

Por lesa mas tocante e Festival di Buki pa Mucha riba e site di Biblioteca Nacional Aruba (BNA).

 


Lespakket


Noticia


Info / Contact

Biblioteca Nacional Aruba (BNA)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw