Desde final di aña 2018 Sociaal Crisisplan (SCP) a wordo oficialmente implementa como e programa a corto plaso cu lo keda encarga pa mehora y defini e sistema di proteccion di mucha y hoben aki na Aruba. Sociaal Crisis Plan ta traha intersectoral cu instancianan den sector Social, Husticia, di Enseñansa y di Salubridad. Pa mas informacion di e Sociaal Crisisplan (SCP) nos ta referi na e siguiente website:
Ta un sistema di proteccion na Aruba, unda ta salvaguardia e siguridad fisico, emocional y mental di nos muchanan di 0 te 18 aña.
- Un plan paso pa paso cu un cuadro di evaluacion.
- Un asignacion di e responsabilidadnan pa cada diverso grupo profesional.
- Atencion special pa e formanan special y particular di violencia y violencia den relacion/famia.
- Check si tin mucha(nan) involvi den e momentonan di un caso urgente cerca e adultonan p.e. accidente, candela, uzo di droga etc.
- Atencion specifico pa e forma con e profesionalnan mester anda cu e datonan confidencial.
- Tur profesional, cu tin ‘beroeps- y ambtsgeheim’ tin e derecho di meld.
Den e sistema aki ta haci uzo di un cuadro di evaluacion. E cuadro di evaluacion ta describi exactamente ki ora un melding ta necesario y con e ayudo mester ta. E Codigo di Proteccion ta consisti di 5 paso.
Lesa mas:
Den e Codigo di Proteccion Bureau Sostenemi tin e rol di experto unda e profesionalnan por acudi.
Codigo di Proteccion lo conduci na un miho acercamento, na e momento cu e profesionalnan den cada sector (Husticia, Salud, Enseñansa y Social) señala abuso di mucha mas concreto, combersa cu e mayornan y e muchanan y ora cu nan mester cuminsa ofrece e ayudo cu ta necesario.
Informacion di contacto:
Telefon: 588- 1010
E-mail: sostenemi@aruba.gov.aw
Website: sostenemi.org.aw
Adres: Tanki Flip 53-A, Oranjestad Aruba
Den paso 2 y paso 5 di e Codigo di Proteccion ta menciona e contacto cu lo tin cu Advies- en Meldpunt (AMK), cu ta ancra den nos ley awo como Bureau Sostenemi. Tambe na e otro pasonan como profesional bo por consulta cu AMK. Aki por lesa kico bo por spera di AMK (Bureau Sostenemi), ora bo ta pasando den e pasonan:
Paso 1 Acumula e señalnan y pone nan riba papel
Bo por puntra AMK pa yuda pensa riba e manera con bo por pone riba papel mas señal, preocupacion y potencial positivo.
Paso 2 Consulta
Den paso 2 bo por consulta cu un colega experto. Ora di duda bo por tuma contacto tambe cu AMK pa consulta riba e evaluacionnan di e señalnan, e preocupacion- y potencialnan positivo. Kico ta bo preocupacion di mas grandi?
Paso 3 Papia cu e famia
Den paso 3 bo ta consulta e señalnan cu bo tin cu e mayornan y e mucha. Como preparacion pa e combersacion aki bo por tuma contacto cu AMK pa hunto repasa e puntonan di atencion pa e
combersacion. Si bo ta haya necesario, un trahado di AMK tambe por ta presente na un combersacion asina. Tambe esaki ta posibel den e fase cu no a haci melding (ainda).
Paso 4 Evaluacion
Ora cu mester haci evaluacion di (in)siguridad, semper bo por haci pregunta na AMK pa hunto yega na e miho evaluacion. Si bo ta desea, un trahado di AMK por participa na un consulta di caso.
Esaki tambe ta conta p’e fase cu no a haci melding (ainda).
Stap 5 Tuma decision
Den stap 5 bo ta tuma un decision: como profesional mi mes por brinda of organisa e ayudo, cu ta conduci na recupera e siguridad bek of mi tin cu haci un melding? Si den evaluacion resulta cu bo
tin cu haci un melding, consulta prome telefonicamente cu AMK.
Si bo tin mas pregunta por tuma contacto cu: PaulBaeten.TenA@gmail.com
Dia 15 di september 2020 Codigo di Proteccion a apunta sra. Jullie-Ann Thodé como lider di Proyecto pa carga e sector di Enseñansa. E sector di Enseñansa, lo bay ranca start cu hopi entusiasmo y animo cu e meta pa no solamente logra e implementacion di Codigo di Proteccion den tur sistema di Enseñansa na Aruba, pero lo hacie conhuntamente cu tur e partnernan importante den Enseñansa di Aruba. Como un di e metanan importante pa cu e veld social den Enseñansa, lo brinda sosten y guia profesional den henter e proceso aki. Principalmente teniendo na cuenta cu tur e facetanan di cambio, cu actualmente nos sistema educacional ta enfrentado. Actualmente ta trahando riba un plan di accion pa por cuminsa mas lihe posibel cu ehecutacion, pa asina hunto cu veld yega na un plan di implementacion di Codigo di Proteccion.
Casi tur sistema di Enseñansa cu conoce un tipo di maneho/protocol pa atende cu e casonan di sospecho di abuso di mucha. P’esey e Codigo aki lo haya su lugar adecua, unda e lo percura pa tur traha uniforme, pa ora e ley aki drenta na vigor. Tur e directivanan di scol y partner di enseñansa a ricibi e carta oficial cu fecha di 21 di september 2020, anunciando e nomber di e lider di proyecto Enseñansa tin un tarea sumamente importante den implementacion y ehecucion di Codigo di Proteccion, mirando cu despues di nan cas, nos mucha- y hobennan ta na scol tur dia y esaki pa hopi di nan ta mira como nan di dos cas of hasta nan ‘safe haven’.
