DPS den fase final pa tin un protocol concreto di Codigo di Proteccion
Recientemente a sali un otro edicion di e boletin cu tur informacion tocante e Codigo di Proteccion, caminda por lesa con diferente directiva ta implementado e codigo.
Pa loke ta trata e sector di enseñansa, den e edicion di luna di juli 2022 por lesa entre otro:
- DPS den fase final pa tin un protocol concreto di Codigo di Proteccion;
- Presentacion di maneho CDP na scol Dunun Man y Bibito Pin na SVGA;
- SEPB tambe ta sigui cu implementacion di Codigo di Proteccion.
Finalisando e edicion aki, e Team di Codigo ta haci un apelacion na cada profesional den veld di enseñansa, pa purba ta habri pa por yuda nos muchanan cu kisas ta pasando den momento di posibel peliger. Team di Codigo na su turno, semper ta habri pa sostene y yuda crea siguridad na nos muchanan di Aruba. Boso como profesional no ta boso so den e situacion aki. Semper por acudi na sea un Supervisor di Codigo of na Bureau Sostenemi pa un conseho of un guia mas intenso of specialisa.
Lesa mas den e Boletin informativo di Codigo di Proteccion, vol. 12
Abo sa unda pa busca ayudo?
- Pa conseho ora tin sospecho di abuso di menor yama Bureau Sostenemi na 5881010.
- Pa conseho pa famia y lantamento di mucha y hoben yama Centro pa Hoben y Famia na 5281200.
- Pa informacion tocante sexualidad y prevencion yama Famia Planea Aruba na 5889591.
- Pa ayudo cu violencia domestico yama FHMD Fundacion pa Hende Muhe den Dificultad na 5671670.
- Pa ayudo psicologico y problema mental yama Respaldo na 2815000.
- Pa informacion tocante addicion di droga y alcohol yama Fada Aruba na 5832999.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
