Search Facebook Instagram Twitter

Intervencion Trempan pa muchanan cu necesidad special

November 15, 2021

Departamento di Mucha y Hoben (DMH) den colaboracion cu Social Crisis Plan (SCP) a start tanda dos di e proyecto piloto di Intervencion Trempan pa muchanan cu necesidad special dentro di centro di cuido di mucha.

E experto Dr. Michael (Mike) Abel di University of Missouri–Kansas City Institute for Human Development (UMKC-IHD) a regresa Aruba siman pasa, pa continua cu e investigacion di e situacion actual na Aruba di nos muchanan cu necesidad special, p’asina yega na crea un sistema nacional di Intervencion Trempan pa e muchanan cu necesidad special.



Plataforma Intervencion Trempan Aruba (PITA)

Universidad di IMKC-IHD a entrega Aruba e prome rapport oficial cu tur e gremionan a crea hunto durante 1 siman di workshop interactivo, cu a tuma lugar na juni 2021. Na final di e workshop a lanta e Plataforma Intervencion Trempan Aruba (PITA) cu e profesionalnan di diferente instancia concerni.

Desde 8 di november te cu 11 di november 2021, Dr. Mike a bishita 14 diferente organisacion di PITA, manera: Brighter Future, Fundacion pa Esnan cu Problema di Oido y Habla (FEPOH), Wit Gele Kruis (WGK), Stichting voor Verstandelijk Gehandicapten Aruba (SVGA), Jeugdsgezondheidszorg (JGZ), Directie Volksgezondheid Aruba (DVG), Fundacion Pa Nos Muchanan (FPNM), Fundacion Autismo Aruba (FAA), Tienda di Educacion, Centro Hoben y Famia, Multidisciplinair Centrum (MDC), Fundacion Arubano di esnan Visualmente Incapacita (FAVI), Stichting Casa Cuna, Cedes y tambe mayor representante di mucha cu necesidad special, sra. Terry Gumbs.

Tabatin algun instancia cu tambe ta forma parti di PITA, pero no a logra intercambia idea cu dr. Mike Abel tabata: Fundacion Salud Mental Aruba (Respaldo), Social Psychiatrische Dienst (SPD) y Fundacion Siñami Paso pa Paso Aruba. Intencion ta pa ainda dr. Mike Abel logra haya un intercambio cu nan, p’asina garantisa cu tur instancia involvi ta forma parti di e proceso nacional aki.

PITA sigur a crece despues di e ultimo reunion, mirando cu tin various instancia y specialista cu ta hunga un rol masha importante den e proyecto aki.

Diabierna, 12 di november 2021, PITA a sinta na mesa un biaha mas, pa dialoga riba e posibilidadnan y modo di ehecucion di un sistema nacional di Intervencion Trempan pa e muchanan cu necesidad special, unda lo cuminsa cu e proyecto piloto dentro di e Centronan di Cuido di Mucha y eventualmente lo cana hasta riba nivel nacional.

Mester bisa cu despues di e siman intensivo aki a logra “pin point”, unda Aruba su sistema actual mester di mehoracion y colaboracion, p’asina por monitoria y tin bista riba tur mucha di edad 0 te cu 4 aña na Aruba, cual ta e categoria di edad di mas crucial durante un mucha su desaroyo.

Conclusion ta cu actualmente tin un gap di ora e mucha tin 18 luna/2 aña te cu ora e atende scol preparatorio, pues no tin un sistema nacional y coordina actual pa sigui monitoria e desaroyo despues di 18 luna y net prome cu 4 aña.

Durante e reunion, tur e miembronan di PITA e brainstorm con por yena e gap aki na e mihor manera posibel, pa asina por yega na un sistema nacional, cu ta brinda e sosten, ayudo y e guia necesario na tanto e muchanan como tambe e mayornan y sigur sin laga afo e Centronan di Cuido di Mucha.



Rapport

Por lesa e rapport cu e resultadonan di e prome investigacion bou di Centronan di Cuido di Mucha na Aruba aki:


Info / Contact

Pa mas informacion por busca den e alfabet menu riba nos pagina principal:

Por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets