Codigo di Proteccion: a logra un protocol pa e scolnan publico
Tabata un trayectoria sumamente largo y desafiante relaciona cu e preparacion di e implementacion y protocol pa e scolnan publico, pero finalmente a logra esaki.
E presentacion di e protocol di Codigo, tabata brinda mediante e lider proyecto, Jullie-Ann Thode, acompaña pa e dos Supervisornan di Codigo; sra. Anabella Campbell y sra. Vivian Carter di DPS y sr. Ivan Croes, cu actualmente ta na encargo como e ‘interim hoofd’ di e scolnan publico.
Team Codigo a experiencia un cambio sumamente positivo, specialmente riba e aspecto di importancia y relevancia pa tin un protocol den maneho di DPS, pa atende cu e casonan di un posibel sospecho di abuso di menor.
Tambe a presenta e plan di proceso, p’e sigui cana den aña 2023, cu sigur lo bira uno inspirativo y motivador pa e miembronan den e team di cuido pa e scolnan publico. Di e forma aki nan por ta mas informa, habil y alcaso den e tipo di casonan specifico aki. Lo bay bay brinda workshop y/of training relaciona cu esaki, pa asina Codigo di Proteccion logra haya un structura sostenibel, duradero, concreto y eficiente.
Lesa mas den e Boletin informativo di Codigo di Proteccion, vol. 14
Abo sa unda pa busca ayudo?
- Pa conseho ora tin sospecho di abuso di menor yama Bureau Sostenemi na 5881010.
- Pa conseho pa famia y lantamento di mucha y hoben yama Centro pa Hoben y Famia na 5281200.
- Pa informacion tocante sexualidad y prevencion yama Famia Planea Aruba na 5889591.
- Pa ayudo cu violencia domestico yama Fundacion Contra Violencia Relacional (FCVR) na 5835400.
- Pa ayudo psicologico y problema mental yama Respaldo na 2815000.
- Pa informacion tocante addicion di droga y alcohol yama Fada Aruba na 5832999.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
