Pregunta y Contesta


General

Kico ta enseñansa obligatorio (leerplicht)?

Esaki ta un di e puntonan di e Tratado di e Derechonan di Mucha. Eyden ta para cu: “tur mucha tin derecho riba enseñansa”. Pasobra e muchanan ta menor di edad, esey ta nifica cu ta nan mayornan y gobierno ta obliga pa percura pa nan bay scol di berdad.

Mas informacion: > website Derecho di Mucha

Ken ta cay bou enseñansa obligatorio?

Ehempel:

Nomber Fecha di nacemento 1e dia di scol obligatorio
Mario 5 juli 2008 1 augustus 2012
Julietta 15 september 2009 1 augustus 2013

 


Mucha Special

Ley di enseñansa obligatorio ta conta tambe pa e muchanan special of cu mester enseñansa special?

Enseñansa obligatorio ta conta pa tur mucha cu ta biba na Aruba. Pues e ta conta tambe pa e muchanan special. Nan tambe tin derecho riba enseñansa.

Y pakico mi tin di bay scol si mi ta special?

Bo tin di bay scol, pasobra ey bo ta siña cos leuk cu por yuda bo den futuro. Y ey bo ta cera amistad cu otro mucha.

 


Mucha Ilegal

Si mi ta ilegal na Aruba, mi mester bay scol toch?

Si, e ley di enseñansa obligatorio ta conta pa tur mucha cu ta biba na Aruba. Pues tambe pa mucha cu ta ilegal na Aruba. Nan tambe tin derecho riba enseñansa.E empleadonan publico di enseñansa obligatorio lo controla solamente si e mucha ta bay scol. No ta tarea di e empleadonan publico di enseñansa  obligatorio pa pasa informacion di mucha ilegal na servicio di inmigracion.

Nos ta ilegal na Aruba, nan por expulsa nos?

Si bo mayornan ta ilegal na Aruba, bo tambe ta ilegal na Aruba. Si, den un caso asina por expulsa abo y bo mayornan for di Aruba. Durante un estadia ilegal, toch e muchanan mester bay scol. Ni e scol ni e empleadonan publico di enseñansa obligatorio no lo pasa e datonan di boso pa e servicio di inmigracion.

Si mi ta bay scol na Aruba, e ora ey mi por keda na Aruba tambe?

No, si bo ta bay scol na Aruba no kiermen cu bo por keda na Aruba. E ley di enseñansa obligatorio ta stipula cu tur mucha cu ta biba na Aruba mester bay scol (sea nan ta legal of ilegal na Aruba).

 


Mama Teenager

Bo ta un mama teenager cu no a termina scol?

No por kita oportunidad di enseñansa pasobra un hende a bira mama hoben. Mester percura pa cuido pa asina e mama teenager haya e oportunidad pa sigui cu su estudio.

 


Dispensacion (vrijstelling)

Ki ora por papia di dispensacion?

Den cierto casonan excepcional un hoben por haya dispensacion di enseñansa obligatorio, por ehempel:

 


Un dia na Cas

Mi por tene mi yiu un dia na cas?

Mucha mester bay scol tur dia. Mayornan y cuidadonan ta responsabel pa esaki sosode tambe. Toch esey no ta nifica cu den cierto circunstancia bo no por tene bo yiu na cas, por ehempel: ora cu e mucha tin un malesa of pa motibo personal extraordinario of pa motibo di un acontecimento familiar (manera entiero, accidente).

 


Enseñansa na Cas

Kico mester haci si kier duna enseñansa na cas?

Un mucha mester bay scol tur dia y e mayornan ta responsabel pa esaki sosode tambe.

 


Control y Supervision

Ken ta controla e enseñansa obligatorio? Ken ta supervisa enseñansa obligatorio?

Lesa mas: > Control y Supervision

Ki ora e scol ta tuma contacto cu e empleadonan publico di enseñansa obligatorio?

 


Inscripcion

Con bo ta cumpli cu enseñansa obligatorio?

Mayornan/cuidadonan mester inscribi nan yiu na tempo na un scol reconoci pa enseñansa obligatorio. Por acudi na e scolnan pa mas informacion tocante inscripcion.

> Aki por dowload un lista cu informacion di contacto di e scolnan na Aruba.

Inscripcion ta tuma luga basta tempo adelanta, cuminsando den luna di december te cu luna di februari, cu ta precede e aña escolar nobo.

Mas informacion: > Inscripcion y kitamento for di e registro

Pa mas informacion por tuma contacto tambe cu: > Bureau Leerplicht Aruba

 


Info / Contact

Bureau Leerplicht Aruba

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw