Inscripcion y kitamento for di registro
Inscripcion
Ora cu un alumno duna di conoce cu e kier inscribi su mes na un scol, e alumno mester presenta e siguiente documentonan pa e por haya admision:
- Un extracto di CENSO of un otro prueba cu ta indica cu e alumno ta residencia na Aruba. (por ehempel: un contract di huur acompaña cu un declaracion di e doño cu e personanan aki ta biba mas cu tres luna ey, un visa di turista pa Aruba cu a vence caba).
- Un comprobante di AZV cu e ta inscribi na AZV. Den caso cu e alumno no ta sigura via AZV, e alumno mester cumpli cu e siguiente condicion pa e wordo inscribi na e scol:
a. Sea e persona mayor di edad, cu ta eherce autoridad riba e alumno ta firma un declaracion na unda cu e ta libra e scol di tur daño directo y indirecto cu e scol of un empleado por ocasiona door di a actua of no actua.
b. Sea e ta cera un seguro di gasto di malesa cu ta igual cu e seguro di AZV.
Kitamento for di e registro
Un alumno di edad di enseñansa obligatorio por saca su mes for di e registro di scol solamente si e alumno en cuestion:
- Entrega un carta di un otro scol cu a firma e protocol di ausencia, unda cu e otro scol ta declara cu e alumno ta inscribi cerca nan.
- Entrega un extracto di CENSO na e scol unda cu tin indica cu e alumno no ta inscribi mas den registro di CENSO.
- Tin un dispensacion di enseñansa obligatorio valido te fin di e aña escolar coriente.
