Absentismo di luho y vakantie
Kico ta permiti y kico no ta permiti?
Keda sin bay scol sin permiso, nos ta yama absentismo prohibi. Cu esaki nos kiermen yegamento laat regularmente, spijbel of bay cu vakantie durante periodo di scol.
Absentismo di luho
Si un alumno di enseñansa obligatorio falta scol sin permiso prome of despues di un vakantie nos ta yama un absentismo di luho. Si tin alumno ausente, e scol mester raporta esaki na e Oficina di Enseñansa Obligatorio. Lo atende e asunto di absentismo di luho severo pa asina duna e mayornan/cuidadonan, alumnonan y scolnan un mensahe hopi cla. E alumnonan tin derecho riba bon enseñansa. E scol tin di percura pa esey. Di otro banda e mayornan/cuidadonan y e alumno mes mester percura pa e ta presente na scol. Tambe rond di e periodonan di vakantie.
Ora tin sospecho di absentismo di luho
Ora cu tin sospecho di absentismo di luho ta tarea di e director di scol pa raporta esaki cerca e Oficina di Enseñansa Obligatorio. E scol y e ambtenaar di enseñansa obligatorio lo check e motibo di e “absentismo di luho”. E empleado publico di enseñansa obligatorio lo tuma contacto cu e mayornan/cuidadonan di e alumno y lo duna nan un boet.
Exepcion
Tin circunstancia na unda e alumno por haya dispensacion. E mayornan/cuidadonan por entrega un peticion por escrito solamente cerca e director.
Verlof
Peticion pa haya dispensacion pa motibo di circunstancia di peso (extraordinario)
Aki ta trata di diferente asunto na unda e director por duna maximo 10 dia escolar di dispensacion pa aña escolar. Mester entrega e peticion di antemano cerca e director uzando e formulario di” peticion pa dispensacion di scol”. E formulario aki bo por haya cerca e director.
Segun e ley “circunstancia di peso” ta situacion cu ta cay fuera di e boluntad di e mayornan / cuidadonan of e mucha”. Pa e circunstancianan aki por pidi dispensacion.
Aki por pensa riba:
-
Mudamento di e famia
-
Malesanan grave di mayornan of famia te den di tres grado
-
Fayecimento/entiero di un miembro di famia
Loke no ta cay bou circunstancia di peso ta:
- Bishita di famia den exterior
- Vakantie den un periodo mas barata of promocion special of pasobra a gana un biahe
- Vakantie bou ora di scol pasobra no tin alternativa pa reserva otro dia
- Biaha prome of bin mas despues di vakantie pasobra ta hopi druk
Dispensacion ta wordo duna solamente bou di e siguiente condicionnan:
- E peticion pa extra verlof mester ta entrega di antemano, pero en todo caso mas lihe posibel cerca e director di scol
- E periodo di verlof no por ta mas hopi cu 10 dia di scol
Bo por haya e rooster di vakantie na scol di bo yiu of via website: > ea.aw > Vakantie di scol
Procedura
Pa haci un peticion pa extra dia di verlof of dispensacion pa motibo di peso, bo ta busca un formulario di peticion cerca e director di scol. E formulario aki, completamente yena segun e berdad, bo ta entrega bek hunto cu otro documentonan relevante.
Den caso cu bo peticion keda rechasa y bo no ta di acuerdo cu e decision aki, bo por apela contra di esaki. Bo ta entrega un carta di apelacion cerca e persona cu a tuma e decision.
Den e carta bo mester pone por lo menos e siguiente informacion:
- Nomber y adres di esun concerni
- Fecha
- Descripcion di e decision tuma
- Argumentonan cu ta indica pakico bo no ta di acuerdo cu e decision
- Bo firma
Bo no tin permiso y toch bo ta bay cu vakantie?
Si bo no tin permiso pa extra dia di verlof pa bo yiu y toch bo ta tene bo yiu for di scol, e director e ora ey ta obliga di notifica e ambtenaar di enseñansa obligatorio. E ambtenaar di enseñansa obligatorio lo manda yama bo y por dicidi di traha un proces-verbaal.
Con bo ta entrega un peticion?
E formulario di peticion pa verlof fuera di vakantie di scol ta obtenibel cerca e director di scol. Bo ta entrega e formulario completamente yena hunto cu e declaracionnan relevante cerca e director. E director mes ta tuma un decision relaciona cu e peticion pa un periodo di maximal 10 dia di scol.
E peticion aki mester keda entrega preferiblemente un luna adelanta di e verlof cerca e cabesante di scol, sino no por garantisa un decision na tempo. Si bo yiunan ta bay diferente scol bo mester busca un formulario na cada scol.
