Search Facebook Instagram Twitter

Ausencia


E codigonan di ausencia

E scolnan ta actualisa nan registro di ausencia di e alumnonan diariamente. Den e registro nan ta registra pa cada dia di scol e siguiente codigonan di ausencia:

Codigo Z:

E alumno ta ausente henter dia of un parti di dia debi na un malesa.

Codigo D:

E alumno ta ausente debi na prohibicion pa drenta scol temporalmente como un medida disciplinario.

Codigo P:

E alumno ta ausente henter dia of un parti di dia debi na un acontecimento repentino of extraordinario of importante, personal of familiar. E acontecimentonan aki por encera:un matrimonio of entiero di un famia cercano, e periodo di rouw despues di un fayecimento of obligacionnan importante (manera topsport, actividad academico, pero excluyendo vakantie) den exterior.

Codigo V (verzuim):

E alumno ta ausente henter dia of parti di dia y e scol no por concede codigo D, Z, of P.

Ehempel

Kico SI bo mester haci: Loke bo NO mester haci:
Como mayor bo mester yama scol prome cu 9 or di mainta, pa laga sa cu bo yiu no por bay scol e dia ey. Como mayor bo NO mester yama scol 1 or di merdia, pa laga sa cu bo yiu no a bay scol e dia ey.

 


Ausencia pa motibo di malesa

Pa e scol por registra codigo Z:

  1. E persona of instancia cu ta eherce autoridad riba e hoben mester yama e cabesante di scol prome cu 9 or di mainta y pon’e na altura di e ausencia pa motibo di malesa.
  2. Den desviacion di punto 1 un scol mag registra maximal 20 codigo Z pa aña escolar, sin necesidad di un declaracion general di un medico, na unda e medico ta declara cu pa motibo di un enfermedad grave of cronico e alumno lo ta ausente frecuentemente durante e aña escolar ey.
  3. Si e ausencia sin interupcion ta pasa mas cu 10 dia escolar, e mayor mester entrega un declaracion di e medico cu ta trata e alumno, no mas tarda cu e di 11 dia escolar. Si esaki no ta e caso, e scol ta cambia e codigo Z di e periodo ey den un codigo V.

 


Ausencia pa motibo di situacionnan extraordinario of personal

Pa un scol por registra codigo P:

  1. E persona of instancia cu tin e autoridad riba e hoben mester informa e cabesante di scol prome cu 9 or di mainta y tambe e motibo cu ta hustifica su ausencia.
  2. Un scol mag registra maximal 10 codigo P pa aña escolar pa alumno.

 


Info / Contact

Bureau Leerplicht Aruba

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets