Control y Supervision
Ken ta controla e enseñansa obligatorio?
E scol ta registra e alumnonan cu ta inscribi na e scol y ta pasa e informacion aki pa e Oficina di Enseñansa Obligatorio. Diariamente e scol ta duna e Oficina di Enseñansa Obligatorio informacion riba e ausencia di su alumnonan. Tanto e scol como e empleadonan publico di enseñansa obligatorio ta controla si abo ta cumpli cu e ley di enseñansa obligatorio.
Procedemento
Resumen mensual
E scol ta informa inspeccion via resumen mensual cua alumno ta inscribi cerca nan. Y tambe pa cada alumno e diferente codigonan registra pa nan eventual ausencia. Diferente na e otro datonan suministra riba e resumen mensual, e codigo di ausencia tin relacion cu e lunanan cu a pasa caba di e aña escolar pendiente (acumulacion).
Den e resumen mensual e scol ta menciona cada bes e number di identidad di e alumno. Si no tin e number di identidad, e scol ta menciona e nomber completo y e adres di e alumno. Tambe un number di telefon di e persona cu tin autoridad riba e alumno.
Si ta trata di un scol cu no ta ricibi ayudo financiero di Pais Aruba, pues cu no ta entrega un resumen mensual na Inspeccion, e scol tin di haci uzo di e formulario di registracion adhunto. E formulario aki mester wordo entrega mensualmente na Oficina di Enseñansa Obligatorio.
Regla
- E alumno no tin entrada na e scol temporalmente pasobra e ta suspendi pa motibo disciplinario.
- E alumno ta ausente parcialmente of un dia completo pa motibo di malesa of algo otro.
Prome cu 9 or di mainta e mayornan of cuidadonan mester informa e cabesante tocante ausencia di e mucha pa motibo di malesa of otro motibo. Den caso cu e ausencia surpasa 10 dia escolar sin interupcion, e mayornan/cuidadonan mester entrega un declaracion di e dokter cu ta trata e mucha no mas tarda cu e di 11 dia escolar.
- E alumno ta ausente pa motibo di acontecimento repentino of extraordinario of importante, personal of familiar, un parti di dia of un dia completo.
Prome cu 9 or di mainta e mayornan/cuidadonan tin di informa e cabesante y splica cla e indole di e problema. E scol por registra e tipo di ausencia aki maximalmente 10 biaha pa aña escolar pa alumno.
Toezicht
Ken ta supervisa enseñansa obligatorio?
-
E empleadonan publico di enseñansa obligatorio ta supervisa e cumplimento cu e ley di enseñansa obligatorio;
-
E scolnan ta obliga pa raporta ausencia prohibi.
Tarea di e empleadonan publico di enseñansa obligatorio
E empleadonan publico di enseñansa obligatorio ta controla si ta cumpli cu e ley di enseñansa obligatorio. E ta duna informacion na e hobennan pakico ta importante pa bay scol y e consecuencianan si viola e ley di enseñansa obligatorio. E empleadonan publico di enseñansa obligatorio hunto cu e scol y e mayornan ta busca solucion ora cu tin problema pa bay scol. E mayornan ta keda responsabel pa nan yiunan bay scol di berdad.
Ki ora e scol ta tuma contacto cu e empleadonan publico di enseñansa obligatorio?
- E scol ta esun prome responsabel pa tuma medida contra ausencia escolar. E empleado publico di enseñansa obligatorio ta asisti e scol den su maneho contra ausencia escolar, ora cu esaki ta necesario.
- E scol ta manda tur e datonan di ausencia di su alumnonan pa e empleadonan publico di enseñansa obligatorio via e resumennan mensual.
- Ora cu e empleadonan publico di enseñansa obligatorio constata a base di e resumen mensual cu un alumno a haya 10 biaha of mas codigo V registra, e ora ey e ambtenaar di enseñansa obligatorio tin di actua.
