FPNM a lanta 12 di juni 1991 y tin como guia, Declaracion Universal di Derechonan di Mucha y Tratado di Derecho di Mucha, proclama pa Nacionnan Uni. FPNM ta un organisacion “non -profit”. E meta di FPNM ta: Mehora calidad di cuido, guia y educacion di mucha di 0 – 12 aña dor di sostene educadornan y duna informacion tocante educacion na publico en general.
Website: Fundacion Pa Nos Muchanan (FPNM)
Na aña 2001 Aruba tambe a firma e Tratado di Derecho di Mucha, haciendo asina e compromiso pa proteha di un forma mas completo posibel di e mucha pa medio di e diferente articulonan specifica den e tratado. Pa percura cu e cumplimento cu e Tratado ta sosode na un forma coordina y eficiente, Gobierno di Aruba a instala e Comision Derecho di Mucha riba 12 di april 2001. E comision tabata activo te cu aña 2009. Na luna di oktober 2014 e comision di Derecho di Mucha a keda reinstala pa medio di un decreto ministerial cu tres tarea specifico:
- Conseha gobierno riba implementacion di e Tratado;
- Ehecucion di e responsabilidad internacional pa raporta encuanto e Tratado; y
- Concientisa e comunidad tocante e derechonan di mucha.
Website: Derecho di Mucha
Tienda di Educacion ta pa mama, tata, wela, welo, madrastra, padrastro y tur otro educadornan. Pues pa tur hende cu ta encarga cu cuido di mucha y hoben di 0 pa 18 aña di edad y cu ta sinti e necesidad pa papia cu un profesional cu ta scucha, duna sosten, informa y conseha si bo tin pregunta tocante educacion y desaroyo di un mucha.
Website: Tienda di Educacion
Fundacion Telefon pa Hubentud a wordo lanta 26 di april 1999 y tin como meta: (1) pa duna ayudo telefonico, sosten, informacion y conseho na mucha y hoben; pa preveni, reduci of pa stop cualkier problema of aclaria cualkier pregunta cu e mucha tin pa cu su mes of pa cu su ambiente; (2) desaroya e funcion critico pa señala na organisacionnan, gobierno y comunidad completo kico ta e necesidadnan y kico e mucha y hobennan ta haya falta di dje.
Website: Telefon pa Hubentud [131.aw]
Siña con pa stimula desaroyo di bo yui na cualkier edad. Por haya mas informacion di Disciplina Consciente (Conscious Discipline) [aki].
