Inscripcion pa Prueba di Naturalisacion 2026 ta bay cera!
Seccion Examens en Toetsen di Departamento di Enseñansa Aruba ta informa cu inscripcion pa e Prueba di Naturalisacion ta cera diabierna 17 di juli 2026 pa 4’or di atardi.
E biaha aki por inscribi solamente pa e 4 pruebanan di Hulandes nivel A2, cu ta Lezen, Luisteren, Schrijven en Spreken.
E aña aki no ta habri inscripcion pa prueba di OC & OE (Orientacion di Comunidad y Orientacion Estatal), tampoco prueba di pa Papiamento nivel A2.
Inscripcion
Pa inscribi pa e Prueba di Naturalisacion 2026 mester yena un formulario di inscripcion digital cu por haya riba nos website ea.aw te cu diabierna 17 di juli 2026 pa 4’or di atardi. Riba e website ta busca Naturalisatietoets na letter (N) of Prueba di Naturalisacion na letter (P) riba nos pagina principal (homepage) of por click riba e link aki:
Pa bo por inscribi bo tin mester di un Gmail adres. No por uza otro e-mail adres pa inscribi. Nos no ta acepta inscripcion na balie of via e-mail adres naturalisatietoets.aw@gmail.com ni tampoco naturalisatietoets@ea.aw.
Inscripcion a habri desde 1 di juli 2026 y ta cera 17 di juli 2026 pa 4’or di atardi. Na momento cu esaki yena, ta cera e inscripcion.
Tene na cuenta cu na momento di inscribi mester upload e siguiente documentonan den pdf:
- un scan (pdf) di paspoort valido;
- un scan (pdf) extracto di registro civil di Aruba (papel di Censo di 5 florin, no mas bieu cu 6 luna);
- un scan (pdf) di e verklaring(nan) otorga (si acaso esaki ta aplicabel pa bo persona);
- un scan (pdf) di e Certificado di Prueba di Naturalisacion di Papiamento/Hulandes otorga te cu 2010 (si acaso esaki ta aplicabel pa bo persona);
- un scan (pdf) di bo diploma EPB-arbeidsmarkt of SPO y bo lista final di cifranan (si acaso esaki ta aplicabel pa bo persona).
Di e inscripcionnan cu drenta nos ta acepta y procesa solamente inscripcionnan cu ta completo. Tene bon cuenta cu esaki. E candidato ta ricibi un e-mail pa confirma cu a haya su inscripcion.
E prome tanda ta tuma lugar den luna di september 2026, e di dos tanda ta tuma lugar den luna di oktober 2026. E fechanan exacto cu e pruebanan lo tuma lugar ta wordo anuncia despues.
Info / Contact
Pa mas informacion busca den e alfabet menu riba nos pagina principal:
Pa pregunta tocante cu e prueba di Naturalisacion por contact:
Pa informacion di e proceso di Naturalisacion mester contact:
Scroll To Top