Na April 2002 Gobierno di Reino Hulandes a introduci un ley cu ta exigi cu tur persona cu ta interesa pa ricibi e nacionalidad Hulandes mester pasa cu exito un Prueba di Naturalisacion (Naturalisatietoets) obligatorio.
Riba decision di Minister di Asuntonan Interior y Relacionnan di Reino, fecha 15 di december 2010, e Prueba di Naturalisacion entrante 1 di januari 2011 ta inclui tambe den e prueba di idioma 4 componente na e idioma Hulandes.
Di e forma aki e Prueba di Naturalisacion pa Aruba entrante e fecha aki riba menciona ta consisti di 1 componente di conocimento di nos comunidad y structura estatal, 4 componente di idioma Papiamento y 4 componente di idioma Hulandes.
Departamento di Enseñansa Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalisacion. Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.
Seccion Examen di Departamento di Enseñansa Aruba ta informa cu inscripcion pa e prueba di Naturalisacion ta cera te cu proximo aviso. Nos a yega na e cantidad maximo di inscripcion.
01 di september 2025 – 12 di september 2025:
un grupo cu lo por haci parti 1 (OC & OE), 2 (Papiamento) y 3 (Hulandes)
29 di september 2025 – 10 di oktober 2025:
un grupo cu lo por haci parti 1 (OC & OE), 2 (Papiamento) y 3 (Hulandes)
03 di november 2025 – 14 di november 2025:
un grupo cu lo por haci 1 (OC & OE), 2 (Papiamento) y 3 (Hulandes)
Actualmente a yega na e cantidad maximo di inscripcion. E inscripcion ta cera te cu proximo aviso.
Inscribi aki:
- Formulario digital di inscripcion pa Prueba di Naturalisacion 2025
Un di e rekisitonan pa por obtene e paspoort Hulandes ta e certificado Prueba di Naturalisacion. E foyeto aki ta duna informacion tocante e procedura pa obtene tal certificado, con e prueba aki ta hinca den otro y con pa yega na remarca pa dispensacion parcial of completo pa e Prueba di Naturalisacion. Aki por download y lesa e foyeto:
