Prueba di Naturalisacion

Naturalisatietoets

Prueba di Naturalisacion

Na April 2002 Gobierno di Reino Hulandes a introduci un ley cu ta exigi cu tur persona cu ta interesa pa ricibi e nacionalidad Hulandes mester pasa cu exito un Prueba di Naturalisacion (Naturalisatietoets) obligatorio.

Riba decision di Minister di Asuntonan Interior y Relacionnan di Reino, fecha 15 di december 2010, e Prueba di Naturalisacion entrante 1 di januari 2011 ta inclui tambe den e prueba di idioma 4 componente na e idioma Hulandes.

Di e forma aki e Prueba di Naturalisacion pa Aruba entrante e fecha aki riba menciona ta consisti di 1 componente di conocimento di nos comunidad y structura estatal, 4 componente di idioma Papiamento y 4 componente di idioma Hulandes.

Departamento di Enseñansa Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalisacion. Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.

Prueba di Naturalisacion 2024

Departamento di Enseñansa Aruba (DEA), seccion Examen, ta informa cu inscripcion pa e Prueba di Naturalisacion (Naturalisatietoets) pa aña 2024 lo habri pronto.

Na momento cu e fechanan exacto ta conoci, esaki ta keda publica riba nos website [ea.aw] y den medionan di comunicacion. Ta sugeri tambe pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur anuncio y informacion.

Fechanan di e prueba

Inscripcion

Por inscribi solamente via e email adres, naturalisatietoets@ea.aw. Inscripcion na balie NO ta posibel.

Pa inscribi mester download, print, yena y firma e Formulario di aplicacion 2023;

Despues mester manda e Formulario di aplicacion 2023 via email na naturalisatietoets@ea.aw hunto cu e siguiente documentonan den forma digital:

E formulario di aplicacion yena y firma;
Copia di paspoort valido;
Extracto di registro civil (Afl. 5,00);
Si ta aplica pa ripiticion: verklaring cu resultado di examen haci

E inscripcion pa luna di augustus, september, october y november 2023 ta cera na momento cu 20 candidato, pa cada luna, inscribi.

Despues cu a inscribi, y tur e documentonan ta na ordo, lo manda un mail den cual ta informa cu e inscripcion a keda acepta. Den e mail ta indica e fechan(nan) di e prueba(nan) y ki dia e pago mester tuma luga.

Foyeto di informacion

Un di e rekisitonan pa por obtene e paspoort Hulandes ta e certificado Prueba di Naturalisacion. E foyeto aki ta duna informacion tocante e procedura pa obtene tal certificado, con e prueba aki ta hinca den otro y con pa yega na remarca pa dispensacion parcial of completo pa e Prueba di Naturalisacion. Aki por download y lesa e foyeto: