Inscripcion pa Prueba di Naturalisacion 2027
Seccion Examens en Toetsen di Departamento di Enseñansa Aruba (DEA) ta informa cu inscripcion pa e Prueba di Naturalisacion ta habri entrante 9 di november 2026 te cu diabierna 13 di november 2026.
E biaha aki por inscribi pa e 4 pruebanan di Papiamento nivel A2, cu ta Lesa, Scucha, Skirbi y Papia.
Tambe por inscribi pa prueba di OC & OE (Orientacion Comunidad y Orientacion Estatal).
Inscripcion
Pa inscribi pa e Prueba di Naturalisacion 2027 mester yena un formulario di inscripcion online cu por haya riba nos website ea.aw entrante dialuna 9 di november 2026 pa 8’or di mainta. Riba e website ta busca Naturalisatietoets na letter (N) of Prueba di Naturalisacion na letter (P) riba nos pagina principal (homepage) of por click riba e link aki:
Pa bo por inscribi bo tin mester di un Gmail adres. No por uza otro e-mail adres pa inscribi. Nos no por acepta inscripcion na balie of via e-mail adres naturalisatietoets.aw@gmail.com ni tampoco naturalisatietoets@ea.aw.
Inscripcion ta habri dia 9 di november 2026 pa 8’or di mainta te cu diabierna 13 di november 2026 pa 4’or di atardi. Tin solamente 80 cupo pa cada prueba. Na momento cu esaki yena, ta cera inscripcion.
Tene na cuenta cu na momento di inscribi mester upload e siguiente documentonan den pdf:
- un scan (pdf) di paspoort valido;
- un scan (pdf) extracto di registro civil di Aruba (papel di Censo di 5 florin, no mas bieu cu 6 luna);
- un scan (pdf) di e verklaring(nan) otorga anteriormente (si acaso esaki ta aplicabel pa bo persona);
- un scan (pdf) di e Certificado di Prueba di Naturalisacion di Papiamento/Hulandes otorga te cu 2010 (si acaso esaki ta aplicabel pa bo persona);
- un scan (pdf) di bo diploma obteni na Aruba y bo lista final di cifranan (si acaso esaki ta aplicabel pa bo persona);
Di e inscripcionnan cu drenta nos ta acepta y procesa solamente inscripcionnan cu ta completo. Por fabor tene bon cuenta cu esaki. E candidato ta ricibi un e-mail pa confirma cu a haya su inscripcion.
E pruebanan di Naturalisacion ta tuma lugar entre 27 januari 2027 y 11 februari 2027.
Info / Contact
Pa mas informacion busca den e alfabet menu riba nos pagina principal:
Pa pregunta tocante cu e prueba di Naturalisacion por contact:
Pa informacion di e proceso di Naturalisacion mester contact:
Scroll To Top