Naturalisatietoets 2020

January 1, 2020

Departamento di Enseñansa Aruba (DEA) ta informa cu pa motibo di mudamento di tur su departamentonan lo tin un (1) solo ronda di Prueba di Naturalisacion na aña 2020.



Normalmente e Prueba di Naturalisacion ta tuma luga dos biaha pa aña. E prome ronda di inscripcion ta tuma luga na luna di Januari, mientras cu e di dos ronda ta tuma luga na luna di Augustus.

Pa aña 2020 sinembargo lo tin un solo ronda pa cual inscripcion lo habri na luna di augustus 2020.

DEA ta pidi disculpa pa cualkier inconveniencia y ta gradici pa e comprension.


Prueba

E Prueba di Naturalisacion desde 1 di januari 2011 ta consisti di un (1) componente di conocemento di nos comunidad y structura estatal, cuater (4) componente di idioma Papiamento y cuater (4) componente di idioma Hulandes. Departamento di Enseñansa Aruba pa medio di su Examenbureau ta encarga specificamente cu e Prueba di Naturalisacion y no tin ningun participacion den henter e proceso di naturalisacion.

E proceso di Naturalisacion ta na encargo di Gabinete di Gobernador di Aruba.


Info / Contact

Pa mas informacion por busca [N] Naturalisatietoets of [P] Prueba di Naturalisacion den e alfabet menu riba homepage.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw