Prueba di Naturalisacion

Naturalisatietoets


Na April 2002 Gobierno di Reino Hulandes a introduci un ley cu ta exigi cu tur persona cu ta interesa pa ricibi e nacionalidad Hulandes mester pasa cu exito un Prueba di Naturalisacion obligatorio.

Riba decision di Minister di Asuntonan Interior y Relacionnan di Reino, fecha 15 di december 2010, e Prueba di Naturalisacion entrante 1 di januari 2011 ta inclui tambe den e prueba di idioma 4 componente na e idioma Hulandes.

Di e forma aki e Prueba di Naturalisacion pa Aruba entrante e fecha aki riba menciona ta consisti di 1 componente di conocimento di nos comunidad y structura estatal, 4 componente di idioma Papiamento y 4 componente di idioma Hulandes.

Departamento di Enseñansa Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalisacion. Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.


Inscripcion pa Naturalisatietoets 2020

Normalmente e Prueba di Naturalisacion ta tuma luga dos biaha pa aña. E prome ronda di inscripcion ta tuma luga na luna di Januari, mientras cu e di dos ronda ta tuma luga na luna di Augustus.

Pa aña 2020 sinembargo lo tin un solo ronda pa cual inscripcion lo habri na luna di augustus 2020E fechanan di inscripcion como tambe e fechanan riba cua e pruebanan ta tuma luga, lo keda publica riba nos website [ea.aw] y den medionan di comunicacion.


Documento


Noticia


Info / Contact

DEA > Examenbureau

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw