Ganadonan Appel di Oro 2018

March 28, 2019

Den un ambiente ameno, Minister di Enseñansa dr. Armando Lampe a haci entrega di Appel di Oro | Un Premio Nacional di Excelencia den Enseñansa na e respectivo ganadonan.


Consciente di e balor di e trabou den enseñansa y e reconocemento cu e merece, e proyecto a nace cu e meta pa duna atencion na e cosnan positivo cu ta sosode na scol y den klas, duna reconocemento pa e trabou den enseñansa y ilustra y stimula enseñansa di calidad.

E ganadonan di Appel di Oro 2018 ta como lo siguiente:

Maestro

Nicole Villada – Sint Franciscus College

Dirigente

Maritza Carrion – Scol Preparatorio Cacique Aterima

Lifetime Achievement Award

 Reginald Altman – Filomena College MAVO

Proyecto

Nos Hofi – Scol Caiquetio

E proyecto Appel di Oro ta un oportunidad pa reconoce esnan cu ta destaca den enseñansa, esnan cu ta contribui na y representa excelencia den enseñansa, es decir, “Nos Heroenan di tur dia”.Pa generacion pasado, presente y futuro e appel ta un expresion di respet, gratitud, y amor pa e hendenan special cu a yuda guia nos, forma nos y haci un diferencia den nos bida. Nos ta desea boso tur hopi alegria, salud y bendicion. Sigui haci un diferencia den bida di nos muchanan.

Nos ta haci uso di e oportunidad aki pa yama pabien un biaha mas na tur e nominadonan y ganadonan y alabes kier a gradici Aruba henter cu e respaldo ricibi pa cu Appel di Oro 2018.


Info / Contact

Pa mas informacion por busca [A] Appel di Oro den e alfabet menu riba homepage of por tuma contacto cu Departamento di Enseñansa Aruba (DEA).

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw