Dos siman mas di nominacion pa Appel di Oro 2018

November 30, 2018

“Enseñansa ta e paspoort pa futuro, pasobra futuro ta di esnan cu prepara p’e den presente.”

E proyecto Appel di Oro ta un prestigioso Premio pa celebra Excelencia den Enseñansa.

Pa por nomina por acudi na e website Enseñansa Aruba [ea.aw], yena e formulario di nominacion caminda ta describi en corto y mas concreto posibel pakico e persona of proyecto merece un Appel di Oro. Por sigui Appel di Oro riba facebook tambe na e siguiente link: www.facebook.com/appeldioro.


Participacion


Participacion ta habri pa tur scol di enseñansa reglamenta na Aruba:

  • Enseñansa Primario
  • Enseñansa Secundario
  • Enseñansa Special
  • Enseñansa Superior 

Cu e Premio Nacional di Excelencia den Enseñansa lo duna reconocemento den e categorianan di:

  • Proyecto Escolar (Proyecto di Inovacion)
  • Maestro
  • Dirigente (Cabesante, Director, Rector of Unit Manager)
  • Lifetime Achievement (Maestro, Dirigente of Actor di Sosten pensiona)

E periodo di nominacion pa aña 2018 ta habri y lo cera dia 12 di December. Mirando cu falta dos siman so mas di nominacion pa Appel di Oro, Ministerio di Enseñansa hunto cu Departamento di Enseñansa Aruba ta haci un yamada na henter comunidad pa haci nan nominacion.

E formularionan di nominacion lo keda evalua pa un cuerpo di hurado cu ta consisti di personanan cualifica y cu amplio experiencia riba tereno di Enseñansa na Aruba.

E proyecto Appel di Oro ta un oportunidad pa reconoce esnan cu ta destaca den enseñansa, esnan cu ta contribui na y representa excelencia den enseñansa, es decir, “Nos Heroenan di tur dia”.

Pa cualkier pregunta relaciona cu e proyecto Appel di Oro por tuma contacto cu sra. Sharine Croes na telefon 528-3415 of via email appeldioro@ea.aw.


Info | Contact

Pa mas informacion por busca den e alfabet menu riba homepage: [A] Appel di Oro of por tuma contacto cu: DEA.

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw