Search Facebook Instagram Twitter

Appel di Oro 2016

August 29, 2016

Ministerio di Enseñansa hunto cu Departamento di Enseñansa ta presenta e di dos edicion di e proyecto Appel di Oro | Premio Nacional di Excelencia den Enseñansa na Aruba.

Minister di Enseñansa Michelle Hooyboer-Winklaar a presenta e proyecto durante un conferencia di prensa como un premio pa rindi honor y reconocemento na tur esnan cu ta desplega excelencia den nan trabou diario den enseñansa.

Despues cu durante cuater aña consecutivo (2011-2014) a organisa e proyecto Maestro di Aña – un premio di reconocemento pa e Maestro di Scol, aña pasa (2015) a scoge pa amplia e proyecto pa duna reconocemento na mas actor cu ta importante pa enseñansa.

Consciente di e balor di e trabou den enseñansa y e reconocemento cu e merece, e proyecto a nace cu e meta pa duna atencion na e cosnan positivo cu ta sosode na scol y den klasduna reconocemento pa e trabou den enseñansa y ilustra y stimula enseñansa di calidad.

 

Participacion

Participacion ta habri pa tur scol di Enseñansa PrimarioEnseñansa SecundarioEnseñansa Special Enseñansa Superior reglamenta na Aruba. Cu e Premio Nacional di Excelencia den Enseñansa lo duna reconocemento den e categorianan di:

  • Proyecto Escolar (Proyecto di Inovacion)
  • Maestro
  • Dirigente (Cabesante, Director, Rector of Unit Manager)
  • Actor di Sosten (Mentor, Intern Begeleider (IB), Remedial Teacher (RT), Prisma leerkracht, Begeleidingsleerkracht of Klassenassistent)
  • Newcomer of the Year (Maestro, Dirigente of Actor di Sosten nobo)
  • Lifetime Achievement Award (Maestro, Dirigente of Actor di Sosten pensiona)

 

Con pa aplica

Henter comunidad: alumno, studiante, mayor, coleganan maestro of dirigente di scol, ta bonbini pa nomina un persona of proyecto escolar pa Appel di Oro 2016.

Pa haci esaki mester yena e Formulario di Nominacion riba nos website Enseñansa Aruba | ea.aw. caminda mester describi en corto y mas concreto posibel pakico bo kier nomina e persona of proyecto.

Henter comunidad: alumno, studiante, mayor, coleganan maestro of dirigente di scol, ta bonbini pa nomina un persona of proyecto escolar pa Appel di Oro 2016.

Pa haci esaki mester yena e Formulario di Nominacion riba nos website Enseñansa Aruba | ea.aw caminda mester describi en corto pero concreto pakico bo kier nomina e persona of proyecto.

E temporada di nominacion pa aña 2016 lo cera dia 19 di september 2016.

Dia 28 di oktober 2016 durante un evento special lo haci entrega di e Appel di Oro na e diferente ganadornan den cada categoria.


Minister di Enseñansa Michelle Hooyboer-Winklaar ta invita tur esnan cu tabatin un experiencia excepcional cu un miembro di e personal di nan scol of den pasado como studiante na un of otro scol, pa nomina e persona aki pa e premio Appel di Oro.

E proyecto Appel di Oro ta un oportunidad pa reconoce esnan cu ta destaca den enseñansa, esnan cu ta contribui na y representa excelencia den enseñansa, es decir, “Nos Heroenan di tur dia”.

Pa cualkier pregunta relaciona cu e proyecto Appel di Oro por tuma contacto cu sra. Sharine Croes na telefon 528-3415 of via email appeldioro@ea.aw.

 


Info | Contact

Pa mas informacion por busca den e alfabet menu riba homepage: [A] Appel di Oro of por tuma contacto cu: Departamento di Enseñansa Aruba | Ministerio di Enseñansa

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets