Aplicacion pa Prueba di Naturalisacion 2020

July 24, 2020

Departamento di Enseñansa Aruba (DEA), seccion Examenbureau, ta informa cu e inscripcion pa e Prueba di Naturalisacion (Naturalisatietoets) pa aña 2020 ta habri entrante dia 27 juli 2020.



Ta tuma un maximo di 75 candidato pa e inscripcion. Asina cu 75 candidato inscribi, e inscripcion ta cera.


Pa motibo di e situacion di e Coronavirus (COVID-19) e pruebanan lo no wordo tuma mesora. Siguiendo e desaroyo di e coronavirus lo dicidi ki luna lo tuma e pruebanan. Tampoco no mester paga ora di inscribi pa e pruebanan. Ora cu nos stipula e fechanan pa e Prueba di Naturalisacion tuma luga lo haya un email pa bay paga na banco y trece e prueba di pago pa Examenbureau.

Ora di inscribi pa e Prueba di Naturalisacion mester trece:

Pa e formulario di aplicacion pa e Prueba di Naturalisacion y pa e foyeto di informacion tocante e prueba mester busca den e alfabet menu riba e pagina principal di e website aki:


Prueba

E Prueba di Naturalisacion desde 1 di januari 2011 ta consisti di un (1) componente di conocemento di nos comunidad y structura estatal, cuater (4) componente di idioma Papiamento y cuater (4) componente di idioma Hulandes. Departamento di Enseñansa Aruba pa medio di su Examenbureau ta encarga specificamente cu e Prueba di Naturalisacion y no tin ningun participacion den henter e proceso di naturalisacion.

E proceso di Naturalisacion ta na encargo di Gabinete di Gobernador di Aruba.


Info / Contact

Pa mas informacion por busca [N] Naturalisatietoets of [P] Prueba di Naturalisacion den e alfabet menu riba homepage.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw