Search Facebook Instagram Twitter

Aplicacion pa Naturalisatietoets augustus 2019

July 31, 2019

Examenbureau (DEA) ta informa cu e di dos ronda di inscripcion pa e Prueba di Naturalisacion (Naturalisatietoets) pa aña 2019 ta habri desde 29 di juli te cu 16 di augustus.



Pa aplica pa e Prueba di Naturalisacion mester haci uzo di e formulario di aplicacion cu ta obtenibel pa download for di riba e website Enseñansa Aruba [ea.aw].

Hunto cu e formulario di aplicacion mester entrega copia di tur documento. E persona cu ta aplica mes mester percura pa saca e copianan, incluso di e formulario di aplicacion, y entrega tur hunto pa e inscripcion por tuma luga. Tambe mester trece e documentonan original pa e copianan por wordo verifica. Si falta algun documento y/of copia e inscripcion no por tuma luga.

Aki por haya e formulario di aplicacion y e foyeto cu tur informacion necesario:


Prueba di Naturalisacion ta tuma luga dos biaha pa aña. E prome ronda di inscripcion ta tuma luga na luna di Januari, mientras cu e di dos ronda ta tuma luga na luna di Augustus.

Prueba di Naturalisacion desde 1 di januari 2011 ta consisti di 1 componente di conocemento di nos comunidad y structura estatal, 4 componente di idioma Papiamento y 4 componente di idioma Hulandes.

Departamento di Enseñansa Aruba pa medio di su Examenbureau ta encarga specificamente cu e prueba y no tin ningun participacion den henter e proceso di naturalisacion.

Pa informacion relaciona cu e Prueba di Naturalisacion por tuma contacto cu Examenbureau, mientras cu pa naturalisacion mester tuma contacto cu Gabinete di Gobernador di Aruba.


Info / Contact

Pa mas informacion por busca [N] Naturalisatietoets of [P] Prueba di Naturalisacion den e alfabet menu riba homepage of por tuma contacto cu DEA – Examenbureau

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets