Algun dia extra pa inscribi pa Landsexamen 2019

October 4, 2018

Seccion Examenbureau di Departamento di Enseñansa Aruba ta informa cu inscripcion pa Landsexamen 2019 ta habri pa algun dia extra, esta te cu diaranson dia 10 di october 2018.

E formulario pa inscribi ta obtenibel riba website di Departamento di Enseñansa Aruba [ea.aw] entrante dia 1 di september 2018.

E candidato lo mester download y yena e formulario pa inscribi y entrega e formulario yena completo y corecto hunto cu un uittreksel di Bevolkingsregister di Aruba na bali di Examenbureau na [Belgiëstraat #2].

Tur inscripcion cu drenta despues di dia 10 october 2018 y esnan cu no ta yena completo no ta bini na remarca pa wordo procesa.

Candidatonan cu ta cumpli cu tur reglanan di inscripcion y a pasa e “screening” ta wordo notifica pa pasa entrega tur documentonan necesario y recibo di pago pa completa e inscripcion.


Participacion

Na landsexamen MAVO/HAVO/VWO 2019 por participa esnan:

1 a cu a entrega nan formulario di inscripcion na tempo (prome cu dia 1 october  2018), yena completo y na e instancia concerni.
b cu a paga na tempo e suma concerni pa por pasa examen.
c cu entrante 1 april 2019 tin e edad di:
  • 17 aña of mas pa por participa na e landsexamen mavo;
  • 18 aña of mas pa por participa na e landsexamen havo;
  • 19 aña of mas pa por participa na e landsexamen vwo.
2 Excluyendo punto 1, por participa tambe na landsexamen esnan cu ta bay un mavo, havo of vwo scol y cu kier logra un “1-vakdiploma” riba e mesun nivel di scol cu nan ta siguiendo. E materia aki no mag forma parti di e pakete di materianan cu e candidato a scoge na scol.

Certificadonan obteni na Aruba ta valido pa un periodo maximo di 10 aña entrante 1 augustus 2012. Esaki ta nifica cu certificadonan mas bieuw cu 10 aña no por wordo uza mas pa obtene un diploma di VWO, HAVO of MAVO.


Info / Contact

Pa mas informacion por busca [L] Landsexamen den e alfabet menu riba homepage of por tuma contacto cu DEA | Examenbureau

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw