Search Facebook Instagram Twitter

Minister a reuni cu Proyecto Idioma

December 8, 2021

Diahuebs dia 2 di december 2021, e Minister encarga cu Enseñansa (Croes) a reuni cu e seccion encarga cu idioma na Departamento di Enseñansa Aruba (DEA).


Fuente: Isla Online


Durante e reunion aki minister Croes a combersa cu director di DEA, sra. Anne-Marie Proveyer-Groot, sra. Audrey Tromp-Wouters y sr. Juan Maduro di Proyecto Idioma den Enseñansa.

Durante e reunion e Mandatario a haya un presentacion extenso di e importancia pa tin un instituto di idioma na Aruba pa salvaguardia Papiamento. Idioma Papiamento ta forma un parti di nos indentidad mescos cu nos Himno, Bandera y Escudo.

Meta y tareanan di un instituto ta entre otro maneho di idioma nacional y cuido y desaroyo di Papiamento. E instituto lo atende cu trabounan linguistico, produccion di obra literario, material di sosten, trabounan di maneho di idioma nacional, cuido y desaroyo di Papiamento.

Durante e reunion a pidi cooperacion di Minister Croes pa lanta e instituto mas pronto posibel. E Mandatario a compronde e importancia di e instituto aki pa nos pais y lo traha riba e peticion.


Info / Contact

Pa mas informacion por busca den e alfabet menu riba e pagina principal:

Pa informacion di contacto:

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets