Search Facebook Instagram Twitter

Lunch na Restaurant Aloe di EPB

October 22, 2018

Den cuadro di e lesnan di practica “Koken & Serveren” di seccion Horeca di EPB Oranjestad, studiantenan ta ofrece “3-course-lunch” den nan Restaurant Aloe ubica na Hato.


E lunch aki ta pa duna e studiantenan e oportunidad pa practica tur e tecnicanan cu nan a siña relaciona cu trabou den un restaurant. Bou guia di nan docentenan, e alumnonan mes ta cushina, prepara y sirbi e cuminda na publico.

Tur practica ta termina cu un evaluacion di parti di e docentenan y tambe di e publico cu ta asisti na e lunch.

E lunch ta wordo ofreci na publico tur diamars, diaranson y diabierna, entre luna di Oktober 2018 y Maart 2019.

E lunch ta wordo sirbi pa 12:00 di merdia y tin un duracion maximo di un ora y mey. Door cu e ta un situacion di les, mester haci reservacion delanta y no mas laat cu diahuebs.

Ta pidi encarecidamente pa ta na tempo, por lo menos diescinco minuut promer pa e lunch y si en caso mester cancela, haci esaki por lo menos un dia delanta.


 
Potret cortesia di EPB

Pa reservacion por yama docent François Maduro na tel 528-9791 y pidi pa ext. 152 of Cel/whatsapp 5639042 of fax na 582-9789.

Pa solamente 30,00 florin publico por gosa di un tremendo “3-course lunch” cu tambe ta inclui koffie of thee na Restaurant Aloe di EPB Oranjestad.


Menu

Aki por download e menu:

> Menu Restaurant Aloe EPB Oranjestad 2018-2019

 


Info / Contact

Pa mas informacion por busca den e alfabet menu riba homepage: [E] Educacion Profesional Basico (EPB)

Scroll To Top
  • © 2011-2023 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets