Colegio EPI cu inscripcion online

June 1, 2021

Colegio EPI ta informa cu e periodo di inscripcion pa aña escolar 2021-2022 ta habri desde dia 1 di april 2021 te cu dia 15 di juni 2021. E proceso di inscripcion ta completamente online.

Colegio EPI ta recomenda tur esnan cu ta interesa pa sigui un programa di educacion na Colegio EPI pa aplica mas pronto posibel pa sigura nan puesto di estudio pa e proximo aña escolar.

Colegio EPI ta consciente di e hecho cu no ta tur studiante tin nan diploma, cijferlijst of overgangsrapport ainda. Sinembargo, por manda esakinan despues den forma digital na momento cu e aplicante ricibi nan. Importante ta pa yena un aplicacion digital mas pronto cu ta posibel pa por tene cuenta cu e interes di e aplicante pa studia na Colegio EPI.

Esaki ta yuda Colegio EPI defini y planifica diferente factor cu ta di influencia pa e organisacion di e aña escolar nobo, por ehempel, disponibilidad di docente, infrastructura y luganan di stage.

Ta importante pa remarca cu na momento cu yega e limite di e cantidad di aplicacion pa cada unit, lo tin cu cuminsa maneha un lista di espera, dependiendo di cuanto aplicacion a resulta den un acceptacion definitivo.

Ta spera di por yama tur aplicante un bonbini na Colegio EPI pa aña escolar 2021-2022.

Inscribi online

E proceso di inscripcion ta completamente online via e website di Colegio EPI:

epiaruba.com

Informacion di programa di estudio

Si un aplicante ainda no por dicidi y kier sa mas di e programanan cu Colegio EPI ta ofrece, ta recomenda pa bishita e website y pagina di Facebook di Colegio EPI caminda lo por repasa e foyetonan di informacion di tur programa na tur unit. Tambe lo por haya informacion di contacto di e decanonan cu por duna mas splicacion tocante contenido di cada programa.

Aki tambe por wak diferente video cu hopi informacion: