Certificacion di diploma
Bo mester laga certifica (waarmerk) bo diploma y/of cijferlijst? Aki por haya mas informacion tocante certificacion di diploma.
Kico ta certificacion (waarmerken) di diploma?
Certificacion (waarmerken) di un diploma ta nifica cu un instancia ta declara (of certifica) cu e contenido di e copia ta coresponde cu e diploma original y cu esaki ta pertenece na e sistema di enseñansa (legalmente) reglamenta di e pais.
Unda por certifica (waarmerk) un diploma obteni na Aruba?
Dienst Inspectie van het Onderwijs ta certifica (waarmerk) diploma(nan) obteni na Aruba y cu ta pertenece na e sistema di enseñansa legalmente reglamenta na Aruba.
Actualmente e dia y orario cu por certifica (waarmerk) diploma ta:
Di dialuna 6 di juli te cu diabierna 17 di juli 2026:
- entre 9 or di mainta cu 12 or di merdia.
- entre 2 or di merdia cu 4 or atardi.
Di dialuna 20 di juli te cu diabierna 14 di augustus 2026:
- entre 2 or di merdia cu 4 or di atardi.
Entrante 17 di augustus 2026:
- tur diamars y diabierna di 2 or di merdia pa 4 or di atardi.
Acudi na Dienst Inspectie van het Onderwijs ubica na John F. Kennedy Education Center na Stadionweg 37 den Sala JFK (wak riba mapa).
Kico mester trece pa por laga certifica (waarmerk) un diploma?
- Bo mes mester haci copia di bo diploma y copia di bo cijferlijst.
- Pa evita bruhamento entre e documentonan original y e copianan, ta recomenda pa saca copia di diploma y cijferlijst riba papel A4 normal den preto-blanco. Dus no saca copia na color riba cartolina.
- Bo mester trece e original(nan) cu bo pa e copianan por wordo certifica.
- Dienst Inspectie van het Onderwijs ta certifica solamente diploma y cijferlijst oficial. Ningun certificado di curso ta wordo certifica.
- E copia mester ta identico na e original (si e diploma ta om en om, e copia tambe mester ta om en om) pero den preto cu blanco (si e scol a stempel riba e copia bo mester haci copia di nobo paso e mester ta identico cu e original).
- EPI unit Economie mester tin tur 4 cijferlijst: original y copia.
- Den caso cu ta un GED-diploma mester laga certifica esaki tambe hunto cu e transcript.
- Pa diplomanan internacional p.e. di USA, Canada, Costa Rica, Colombia, etc. Dienst Inspectie van het Onderwijs lo investiga si e estudio concerni tin acreditacion cu ta worde acepta na Aruba. Den caso cu e estudio no tin un acreditacion, lo mester acudi na un notaris.
Por fabor tene na cuenta cu Dienst Inspectie no ta saca copia.
Cuanto copia por laga certifica (waarmerk)?
- E cantidad di copia cu por wordo certifica ta 3.
- Si bo ta bay Hulanda lo por certifica 4 copia.
Cua instancia ta certifica (waarmerk) diploma obteni den exterior?
Normalmente e instituto educacional na unda a obtene e diploma ta certifica e validez di e diploma. Pa e motibo aki ta consehabel pa tuma contacto cu e instituto na unda a obtene e diploma.
Info / Contact
Pa mas informacion por tuma contacto cu:
Dienst Inspectie van het Onderwijs
Scroll To Top