Test pa sportopleiding CIOS

December 3, 2018

Aruba Sport Unie ta informa cu e test fisico pa CIOS “Centraal Instituut voor de Opleiding tot Sportleiders” ta bay tuma luga na luna di februari proximo.



Si deporte y movecion ta algo cu bo ta gusta, un estudio na “Centraal Instituut voor de Opleiding tot Sportleiders” (CIOS) por ta algo pa bo.

Esaki ta un estudio pa formacion deportivo riba nivel di MBO cu na final ta conduci na un profesion den cual deporte y ehercicio ta importante. E estudio ta tuma luga na Hulanda na 5 instituto.

Cu un diploma di CIOS, bo por traha na Aruba den e sector Horeca, cu un club of un organisacion deportivo, of tambe na entre otro Stichting Geestelijk GehandicaptenKIA of Cuerpo di Bombero.


Admision pa CIOS

Hobennan cu ta interesa mester ta un studiante cu ta den HAVO (3 – 4), of cu a gradua caba di MAVO.

E aplicante mester haci un test fisico pa mira si e ta cualifica pa drenta e instituto na Hulanda. Tambe mester haci un test di e idioma Hulandes y un test di rekenen.

Ta preferibel pa e hoben tin 18 aña di edad, pa e por aplica pa un fiansa di estudio di DUO na Hulanda, mirando cu Aruba no ta duna un fiansa pa estudio riba e nivel di MBO.

E test fisico lo tuma lugar na februari. E test aki ta solamente pa e studiantenan cu ta interesa pa bay studia e aña escolar 2019 -2020. Ultimo dia pa inscribi pa participa na e test ta diahuebs 31 di januari.

Esnan cu ta interesa y ta desea di haya mas informacion por tuma contacto cu sra. Jacqueline Ponson van Putten na Aruba Sport Unie, telefoon 582-4974/594-0889 of atrabes di email jacqueline.vanputten@gobierno.aw.

Mas informacion: [Algemene Informatie CIOS – 2019]


Info / Contact

>  Aruba Sport Unie  | CIOS (NL)

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw