Studentenhuisvesting Utrecht

October 16, 2018

Mentor di Arubahuis pa Utrecht (Omar Besaril) ta duna informacion di studentenhuisvesting na Utrecht pa futuro studiantenan for di Aruba.


Provincie Utrecht
Provincie Utrecht
 Utrecht
 Houten
 Zeist
 de Bilt
 Nieuwegein
 Ijsselstein
 Maarssen
 Amersfoort

Tur aña Arubahuis ta ricibi un cantidad grandi di studiante cu ta bin Hulanda pa sigui cu nan estudio na un nivel mas halto. Un di e aspectonan crucial den e preparacionan di e hobenan aki na caminda pa Hulanda ta esun di buscamento di vivienda.

Sr. Omar Besaril, mentor di e ciudad Utrecht kier a pone enfasis ariba e importancia pa studiantenan cu tin pensa di bin studia na e cuidad aki pa cuminsa busca camber na tempo (preferibel for di nan voorexamenklas).

Utrecht ta un di e cuidadnan di Hulanda cu conoce un scarsedad enorme di camber pa studiante, mientras cu e interes bou di studiantenan pa bay studia na Utrecht ta hopi grandi. Pues ta esencial pa inscribi bo mes na tempo via un di e websites di organisacionnan di vivienda. Asina bo ta core menos riesgo cu na comienso di bo estudio bo no tin camber.


Inscripcion na Utrecht

Sr. Besaril ta splica cu studiantenan por haci uzo di diferente manera pa yega na un camber den Utrecht. Por ehempel via organisacion di maneho di camber pa studiante SSHU (Stichting Studenten Huisvesting Utrecht):

Despues di inscribi bo mes y paga un suma di inscripcion, bo por cuminsa reacciona ariba camber cu ta wordo ofreci. E problema ta cu pa haya camber via SSHU e studiante mester ‘hospiteer’. Esey kiermen cu bo ta wordo invita pa bin wak bo camber y sera conoci cu e otro habitantenan y cu nan ta dicidi si bo ta haya e camber si of no. Ademas bo tin cu ta inscribi 1 aña promer cu bo wordo invita. Ta pesey ta importante pa inscribi bo mes mas pronto cu ta posibel na e website aki. Banda di un inscripcion na SSHU ta recomendabel pa inscribi bo mes tambe na Woningnet. Si bo combina e inscripcion cu esun na SSHU bo ta paga unicamente 22,50 euro, enbez di 30 euro pa Woningnet so.

Otro opcion ta camber ofreci door di personanan priva. Hopi habitante di Utrecht ta ofrece cambernan via websites:

Mayoria di biaha bo mester paga un suma pa bo por subi un de e websitenan aki y asina reacciona riba e cambernan cu ta wordo ofreci. Ta bon pa menciona cu hopi biaha un persona (p.e. mayor di edad y recidencia na Hulanda) lo mester para garantia pa e pago di huur.

Tambe via Facebook tin posibilidad manera riba pagina “Zoekt kamer in Utrecht” y “Kamer in Utrecht” na unda bo por logra haya camber.

Via makelaarnan tambe bo por purba bo suerte:

Esakinan ta opcionan hopi caro. Bo mester paga e makelaar pa su trabou y un borg cu ta wordo stipula a base di 1 of 2 luna extra di huur.


Vecindario

Hopi biaha ta mas facil pa haya camber den vecindario di Utrecht, por ehempel na Houten, Zeist, De Bilt, Nieuwegein, IJsselstein, Maarssen y Amersfoort, via personanan priva of via makelaar.

Mentor Omar Besaril ta enfatisa cu si bo tin pensa di bay studia na Utrecht bo mester inscribi bo mes na tempo y keda controla bo inscripcion regularmente.


Contact Mentor

Pa mas informacion of pa cualkier pregunta relaciona cu Provincie Utrecht por tuma contacto cu:

Mentor Omar Besaril

Mobiel of Whatsapp: +31 (0) 6 1033 3332

Email: o.besaril-mentor@arubahuis.nl

 


Info / Contact

Pa mas informacion por busca den e alfabet menu riba homepage: [S] Studia na Hulanda of por tuma contacto cu: Arubahuis

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw