Studentenhuisvesting Regio Amsterdam
Arubahuis ta brinda informacion di vivienda pa studiantenan cu kier bay studia na Amsterdam, Diemen, Almere of Haarlem.
Studentenhuisvesting Noord-Holland
• Provincie Noord-Holland: Amsterdam, Diemen, Almere, Haarlem
Tur aña Arubahuis ta ricibi un cantidad grandi di studiante cu ta bay Hulanda pa sigui cu nan estudio na un nivel mas halto. Un di e aspectonan crucial den e preparacionan di e hobennan aki na caminda pa Hulanda ta esun di buscamento di vivienda.
Lourdes Bramble-Tromp, mentor di Amsterdam, Diemen, Almere y Haarlem kier a pone enfasis riba e importancia pa studiantenan cu tin pensa di bay studia na un di e cuidadnan aki pa cuminsa busca camber na tempo.
Den e region di Amsterdam tin un scarsedad enorme di camber pa studiante, pues ta esencial pa inscribi bo mes na tempo, preferibel promer cu fin di aña, via un website di e organisacionnan di vivienda. Asina bo ta core menos riesgo cu na comienso di bo estudio bo no tin camber cu e consecuencia cu bo no por inscribi na Gemeente, bo no por haya bo BSN-nummer y bo no por sigui regla bo asuntonan cu ta importante pa bo por cuminsa cu e aña escolar.
Huur via un makelaarskantoor ta impagabel na Amsterdam. Banda di huur hopi halto, bo mester paga dos (2) luna di borg, gastonan di makelaar y bo mester di un persona pa para borg pa bo. E persona aki mester ta bibando na Hulanda pa por para borg pa bo.
Amsterdam, Diemen
Almere
Haarlem
Inscribi bo mes na tempo na diferente website, keda controla bo inscripcion regularmente, pa asina bo hisa bo chensnan pa haya un camber bon y ’pagabel’ na Amsterdam of den region.
Contact Mentor
Pa mas informacion of pa cualkier pregunta relaciona cu Amsterdam, Diemen, Almere y Haarlem por tuma contacto cu:
Mentor Lourdes Bramble-Tromp
Mobiel of Whatsapp: +31 (0) 6 5254 6442
Email: lourdesbramble@hotmail.com
Info / Contact
Pa mas informacion por busca den e alfabet menu:
Por tuma contacto cu:
Scroll To Top
