Search Facebook Instagram Twitter

Studentenhuisvesting Regio Amsterdam

December 1, 2020

Arubahuis ta brinda informacion di vivienda pa studiantenan cu kier bay studia na Amsterdam, Diemen, Almere of Haarlem otro aña.


Studentenhuisvesting Noord-Holland


Provincie Noord-Holland:
Amsterdam, Diemen, Almere, Haarlem


Tur aña Arubahuis ta ricibi un cantidad grandi di studiante cu ta bay Hulanda pa sigui cu nan estudio na un nivel mas halto.  Un di e aspectonan crucial den e preparacionan di e hobennan aki na caminda pa Hulanda ta esun di buscamento di vivienda.

Lourdes Bramble-Tromp, mentor di Amsterdam, Diemen, Almere y Haarlem ta desea na pone enfasis riba e importancia pa studiantenan cu tin pensa di bay studia na un di e cuidadnan aki pa cuminsa busca camber na tempo.

‘Den e region di Amsterdam tin un scarsedad enorme di camber pa studiante, pues ta esencial pa inscribi bo mes na tempo via un di e website di organisacionnan di vivienda. Asina bo ta core menos riesgo cu na comienso di bo estudio bo no tin camber cu e consecuencia cu bo no por inscribi na Gemeente, bo no por haya bo BSN-nummer y bo no por sigui regla bo asuntonan cu ta importante pa bo por cuminsa cu e aña escolar,’ asina sra. Bramble a bisa.

Bramble ta sigi splica cu studiantenan cu kier bin studia na Amsterdam, Diemen, Almere y Haarlem por registra nan mes na diferente website. Tin website special pa studiante cu prijs rasonabel manera:

Duwo tin un regla di preferencia pa studiantenan di afor cu ta bin Hulanda pa sigi un estudio na nivel di bachelor. Studiantenan di Aruba tambe por inscribi nan mes como un studiante internacional y pa esaki Duwo ta haci uzo di e plataforma di room.nl. Via un video Duwo ta duna splicacion y mas informacion tocante e areglo aki : Video Duwo

Tin algun corporacion priva cu tambe ta ofrece camber pa studiantenan solamente cu e prijs di huur ta mas halto.

Tambe bo por haña camber via websitenan regular pero e cambernan no ta barata!


Almere

Pa Almere studiantenan por registra nan mes of busca informacion riba e siguiente websites.


Haarlem

Pa Haarlem studiantenan por registra nan mes of busca informacion riba e siguiente websites.

Inscribi bo mes na tempo na diferente website, keda controla bo inscripcion regularmente, pa asina bo hisa bo chensnan pa haña un camber bon y ’pagabel’ na Amsterdam of den region.


Contact Mentor

Pa mas informacion of pa cualkier pregunta relaciona cu Amsterdam, Diemen, Almere y Haarlem por tuma contacto cu:

Mentor Lourdes Bramble-Tromp

Mobiel of Whatsapp: +31 (0) 6 5254 6442

Email: lourdesbramble@hotmail.com


Info / Contact

Pa mas informacion por busca den e alfabet menu:

Por tuma contacto cu:

Scroll To Top
  • © 2011-2021 Department of Education Aruba (DEA)
  • T +297-528-3400
  • F +297-528-3434
  • info@ea.aw

By orbitalnets