Studentenhuisvesting Provincie Overijssel

November 20, 2019

Arubahuis ta brinda informacion di vivienda pa studiantenan cu kier bay studia na Enschede, Hengelo, Deventer of Zwolle otro aña.


Provincie Overijssel: Enschede, Hengelo, Deventer, Zwolle


Esnan cu tin pensa di bay studia na Hulanda na e ciudadnan Enschede, Hengelo, Deventer y Zwolle mester tene na cuenta cu ta tuma tempo pa logra haya un camber of otro tipo di acomodacion adecua. Pues, inscribi bo mes na tempo ta crucial.

Den caso di inscripcion bo no tin garantisa 100% pa haya un kamber, pero sin esaki bo chensnan pa haya acomodacion lo ta minimal. E aviso aki ta di mentor Lourdes Bramble-Tromp cu ta encarga cu e region di Enschede, Hengelo, Deventer y Zwolle.

Bramble-Tromp: “Pa hisa bo chensnan pa haya un camber bon y ‘pagabel’ na Enschede, Hengelo, Deventer y Zwolle ta bon pa bo inscribi su bo mes na diferente website. Keda vigilante y pro-activo y controla bo inscripcion regularmente.”

Mentor Bramble-Tromp ta sigui bisa ‘Ta importante pa inscribi pa un camber of un studio. Tin site cu ta gratis y tin cu bo mester paga pa inscribi. Si bo ta duda riba cua estudio bo ta bay sigui of na cua ciudad bo kier bay studia, inscribi toch na algun website. Despues bo por haci bo escogencia.

Tambe studiantenan cu no ta bin Hulanda otro aña por inscribi di awor aki caba. Mas largo bo tempo cu bo ta inscribi ta, mas siguridad bo tin cu bo por haya un camber bon y pagabel na tempo ora bo bay studia na Hulanda.

Si bo por huur un camber prome cu bo yega Hulanda via makelaar, corda lesa e contract hopi bon, kico ta wordo palabra, especialmente bo debernan y bo derechonan. Si bo tin duda busca ayudo huridico. No core firma! E mentor tin contacto y experencia cu algun makelaar cu ta wordo menciona den e articulo pero Arubahuis y e mentor no por para responsabel pa e servicio y condicionnan. Riba Facebook di POC Enschede tambe tin algun informacion. Tene cuidou cu advertencia den corant, hopi biaha e kambernan ofreci ta ilegal of no ta existi mes segun mentor Bramble-Tromp.


Websites pa busca vivienda

Akinan nos ta publica un lista di e website pa busca y inscribi pa haya un camber pa e ciudadnan Enschede, Hengelo, Deventer y Zwolle.


Enschede, Hengelo y Deventer

Via makelaar


Zwolle

Riba e site aki tin posibilidad pa studiantenan international aplica pa un camber of apartamento. SSH ta reserva lugar di biba pa e studiantenan aki, entre otro tambe pa studiantenan di Aruba. Subi riba e site di SSHXL.nl y bou di International Student bo por cuminsa registra y inscribi bo mes for di trempan. Please no warda te ultimo momento pa inscribi bo mes. Bo por registra solamente si bo ta biba pafo di Hulanda y si bo ta eerstejaar student.

Via makelaar


Contact Mentor

Pa mas informacion of pa cualkier pregunta relaciona cu Enschede, Hengelo, Deventer of Zwolle por tuma contacto cu:

Mentor: Lourdes Bramble-Tromp

Mobiel of Whatsapp: +31 (0)6 5254 6442

Email: lourdesbramble@hotmail.com

Email POC Enschede: pocenschede@hotmail.com

Facebook: POC Enschede, Deventer, Zwolle, Apeldoorn en omgeving


Info / Contact

Pa mas informacion por busca [S] Studia na Hulanda den e alfabet menu of por tuma contacto cu Kabinet van de Gevolmachtigde Minister van Aruba (Arubahuis)

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw