Studentenhuisvesting Provincie Overijssel

November 6, 2018

Mentor di Arubahuis pa Enschede, Hengelo, Deventer y Zwolle (Lourdes Bramble-Tromp) ta duna informacion y conseho pa esnan cu tin plan pa bay studia den e region aki den e siguiente aña escolar/academico.


Provincie Overijssel
 Enschede
 Hengelo
 Deventer
 Zwolle

Studiante cu ta pensa di bin studia na Hulanda, na e siguiente ciudadnan Enschede, Hengelo, Deventer y Zwolle mester tene na cuenta cu  ta tuma tempo pa logra haya un camber of otro tipo di acomodacion adecua (comodo y pagabel). Pues, inscribi bo mes na tempo ta crucial. No cu esaki lo dunabo garantia 100% pa haña un kamber, pero sin esaki bo ta garantisa di no logra haya un camber adecua.

E aviso aki ta di mentor Lourdes Bramble-Tromp cu ta encarga cu e region di Enschede, Hengelo, Deventer y Zwolle.


“Pa hisa bo chensnan pa haya un camber bon y ‘pagabel’ na Enschede, Hengelo, Deventer y Zwolle ta bon pa bo cumpli cu e siguiente rekisitonan. Mester cuminsa na inscribi na tempo. Tambe mi ta conseha e studiante pa inscribi su mes na diferente website. Keda vigilante (proactivo) y controla bo inscripcion (‘inschrijving’) regularmente.”


Mentor Lourdes Bramble-Tromp ta sigui bisa ‘Ta importante pa inscribi pa un camber of un studio. Tin site cu ta gratis y tin cu bo mester paga pa inscribi. Si bo ta duda riba cua estudio bo ta bay sigui of na cua ciudad bo kier bai studia, inscribi toch na algun website. Despues bo por haci bo escogencia. Tambe studiantenan cu no ta bin Hulanda otro aña por inscribi awor aki caba. Mas largo bo tempo cu bo ta inscribi, mas siguridad bo tin cu bo por haya un camber bon y pagabel pa tempo cu bo ta bay studia na Hulanda. Si bo por huur un camber prome cu bo yega Hulanda via makelaar, corda lesa e contracto hopi bon kico ta wordo palabra, especialmente bo debernan y bo derechonan. Si bo tin duda busca ayudo huridico. No core firma! Huur un camber cerca famia of conoci  tambe ta exigi bon palabracion, y no lubida di controla si e persona por lagabo inscribi bo mes na Gemeente riba su adres.

Riba Facebook di POC Enschede tambe tin algun informacion. Tene cuidou cu advertencia den corant; hopi biaha e kambernan ofreci ta illegal of no ta existi mes!’ segun mentor Lourdes Bramble-Tromp.

Akinan nos ta publica un lista di e website pa busca y inscribi pa haya un camber pa e ciudadnan Enschede, Hengelo, Deventer y Zwolle.


Enschede, Hengelo y Deventer

Via makelaar


Zwolle

Riba e site di SSH bo tin posibilidad pa studiantenan Hulandes. y  tambe  explicitamente pa studiantenan exterior di Hulanda.

Riba e site di exterior bo por cuminsa registra y inscribi bo mes for di promer siman di luna di mei 2018. Periodo di 5 te maximal 12 luna.

Bo por registra solamente si bo ta biba pafo di Hulanda y si bo ta eerstejaars.

Via makelaar


Contact Mentor

Pa mas informacion of pa cualkier pregunta relaciona cu Enschede, Hengelo, Deventer of Zwolle por tuma contacto cu:

Mentor: Lourdes Bramble-Tromp

Mobiel of Whatsapp: +31 (0)6 5254 6442

Email: lourdesbramble@hotmail.com

Email POC Enschede: pocenschede@hotmail.com

Facebook: [POC Enschede, Deventer, Zwolle, Apeldoorn en omgeving]


Info / Contact

Pa mas informacion por busca den e alfabet menu riba homepage: [S] Studia na Hulanda of por tuma contacto cu: Arubahuis

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw