Studentenhuisvesting Provincie Overijssel
Arubahuis ta brinda informacion di vivienda pa studiantenan cu kier bay studia na Enschede, Hengelo, Deventer of Zwolle.
• Provincie Overijssel: Enschede, Hengelo, Deventer, Zwolle
Esnan cu tin pensa di bay studia na Hulanda na e ciudadnan Enschede, Hengelo, Deventer y Zwolle tambe mester tene na cuenta cu ta tuma tempo pa logra haya un camber of otro tipo di acomodacion adecua (comodo y pagabel). Pues, inscribi bo mes na tempo ta crucial. No cu esaki lo duna bo garantia 100% pa haya un kamber, pero sin esaki bo ta garantisa di no logra haya un camber adecua. E aviso aki ta di mentor Lourdes Bramble-Tromp cu ta encarga cu e region di Enschede, Hengelo, Deventer y Zwolle.
Pa hisa bo chensnan pa haya un camber bon y ‘pagabel’ na Enschede, Hengelo, Deventer y Zwolle ta bon pa bo cumpli cu e siguiente rekisitonan. Mester cuminsa na inscribi na tempo. Tambe mi ta conseha e studiante pa inscribi su mes na diferente website. Keda vigilante (pro-activo) y controla bo inscripcion (inschrijving) regularmente.
Ta importante pa inscribi pa un camber of un studio. Tin site cu ta gratis y tin cu bo mester paga pa inscribi. Si bo ta duda riba cua estudio bo ta bay sigui of na cua ciudad bo kier bay studia, inscribi toch na algun website. Despues bo por haci bo escogencia.
Tambe studiantenan cu no ta bay Hulanda otro aña por inscribi awor aki caba. Mas largo bo tempo cu bo ta inscribi ta, mas siguridad bo tin cu bo por haya un camber bon y pagabel pa tempo cu bo ta bay studia na Hulanda.
Si bo por huur un camber prome cu bo yega Hulanda via makelaar, corda lesa e contract hopi bon kico ta wordo palabra, especialmente bo debernan y bo derechonan. Actualmente makelaars no ta acepta pa personanan cu no ta bibando na Hulanda pa para borg. Si bo tin duda busca ayudo huridico. No core firma!
Huur un camber cerca famia of conoci tambe ta exigi bon palabracion, y no lubida di controla si e persona por laga bo inscribi bo mes na Gemeente riba su adres.
Tene cuidow cu advertencia den corant: “Hopi biaha e kambernan ofreci ta illegal of no ta existi mes!” segun mentor Lourdes Bramble-Tromp.
Riba Facebook di POC Enschede tambe tin algun informacion.
Websites pa busca vivienda
Akinan nos ta publica un lista di e website pa busca y inscribi pa haya un camber pa e ciudadnan Enschede, Hengelo, Deventer y Zwolle.
Enschede, Hengelo y Deventer
Zwolle
Contact Mentor
Pa mas informacion of pa cualkier pregunta relaciona cu Enschede, Hengelo, Deventer of Zwolle por tuma contacto cu:
Mentor: Lourdes Bramble-Tromp
Mobiel of Whatsapp: +31 (0)6 5254 6442
Email: lourdesbramble@hotmail.com
Email POC Enschede: pocenschede@hotmail.com
Facebook: POC Enschede, Deventer, Zwolle, Apeldoorn en omgeving
Info / Contact
Pa mas informacion por busca den e alfabet menu:
Por tuma contacto cu:
Scroll To Top
