Volwassenen Algemeen Voortgezet Onderwijs (VAVO)

Volwassenen Algemeen Voortgezet Onderwijs (VAVO) ta miho conoci como avond-MAVO, avond-HAVO y avond-VWO.


Avond-MAVO

Den e prome aña di Ciclo Avansa (tercer grado Avond-MAVO) studiantenan por scoge un perfil. Na Avond-MAVO ta ofrece dos perfil:

Admision

Pa e prome aña di Ciclo Avansa ta admiti alumnonan cu tin 16 aña of mas prome cu 1 di september di e aña escolar y cu a pasa den e segundo aña di Ciclo Basico na un scol di Enseñansa Avansa. Tambe por admiti alumnonan cu un diploma di EPB-uitstroom of alumnonan cu a pasa den e tercer aña di EPB-doorstroom, cu of sin diploma.

Orario di les

MAVO-Anochi ta consisti di maximal cinco ora di les (à 45 minuut) riba un anochi cuminsando pa 6 or di atardi y ta termina pa mas tarda 10 or di anochi y tin pauze di 15 minuut. Mirando cu lesnan ta cuminsa tempran y cu diferente studiante ta traha te cu mas o menos 6 or di atardi, no ta exigi un presencia obligatorio.

Gasto

E studiante ta paga un suma di inscripcion di 100 florin pa aña, no obstante duracion di e curso. Gastonan di buki pa MAVO-Anochi ta varia di 5 te cu 50 florin pa cada materia. Entrante otro aña lo pidi un suma di deposito pa e bukinan. Studiante ta paga un deposito pa tur buki cu e ricibi pa e Ciclo Avansa y ora e entrega e bukinan e ta haya su placa bek.

Localidad

Oranjestad:
EPI Sero Blanco, (T) +297-582-7324

San Nicolas:
Abraham de Veer School, (T) +297-588-0150

 


Avond-HAVO

Avond-HAVO ta cay bou di directiva di Fundacion pa Enseñansa Anochi. E scol tin mas o menos 600 alumno. En principio Avond-HAVO ta dura 3 aña y na final e graduado ta ricibi e mesun diploma cu un scol di den dia y cu e mesun derechonan. E studiante por ricibi tambe certificadonan separa. E materianan cu ta ofrece ta: Hulandes, Ingles, Spaño, Wiskunde 1 y 2, Economia 1 y 2, Management y Organisacion, Historia, Geografia, Biologia y Quimica.

Admision

Exigencianan pa admision na HAVO-Anochi ta minimalmente diploma di MAVO y un prueba cu a pasa di HAVO-3 pa HAVO-4.

Orario di les

Lesnan na HAVO-Anochi ta tuma luga di dialuna te cu diahuebs, cuminsando pa 6 ‘or y cinco y ta termina pa mas tarda 10 ‘or di anochi.

Gasto

Inscripcion ta 50,- florin pa cada materia (vak) plus 50,- florin pa gastonan administrativo. E studiantenan cu bon resultado (cifra), ta haya cu cada rapport un parti di e suma di inscripcion bek, cu excepcion di e gastonan administrativo.

Localidad

Oranjestad:
Colegio Arubano, Shakespearestraat 17
(T) +297-583-8720 | (F) +297-583-8720

San Nicolas:
Colegio Arubano (colegio Pariba), Weg Kustbatterij z/n
(T) +297-584-9228 | (F) +297-584-9228

 


Avond-VWO

Si Bo ta desea di bay studia Ley na Universidad di Aruba, bo por haya bo Colloquim Doctum via Avond-VWO. Ta ofrece a siguiente materianan: Hulandes, Ingles, Spaño y Historia.

Admision

Exigencianan pa VWO-Anochi ta minimalmente diploma di HAVO of certificadonan di HAVO. Si Bo no tin diploma di HAVO y Bo ta mas cu 25 aña, anto Bo por atende e lesnan como “observador” te cu luna di november. Despues di esaki ta sigui un evaluacion cu lo mester determina si bo por sigui pa e Colloqium Doctum.

Orario di les

Lesnan di VWO-Anochi ta tuma luga di dialuna te cu diahuebs, cuminsando pa 6 ‘or y cinco y ta termina no mas laat cu 10 ‘or di anochi.

Gasto

Gastonan VWO-anochi ta 200 florin. Pa un materia so ta cobra 50 florin pa ana. Tambe mester paga 50 florin anualmente pa gastonan di administracion.

Localidad

Oranjestad:
Colegio Arubano, Shakespearestraat 17
(T) +297-583-8720 | (F) +297-583-8720

 


Info / Contact

Directiva di Scol  > Stichting Avondonderwijs Aruba (SAA)

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw