Resultado di Examen 1e tijdvak mehora

June 20, 2016

Minister di Enseñansa Michelle Hooyboer-Winklaar ta contento cu resultado di examen e aña aki ta miho cu aña pasa. Ta trata aki di e cifranan di resultado di examen “1e tijdvak” di alumnonan cu a participa na examen riba nivel di MAVO, HAVO VWO.

 

Inspector General di Enseñansa y Hoofd Dienst Publieke Scholen a informa Minister Hooyboer-Winklaar di e prome resultadonan di examen pa aña escolar 2015-2016 despues di 1e tijdvak. A base di e resultadonan aki por conclui cu por lo general nos tin miho resultadonan di examen pa loke ta e nivelnan MAVO, HAVO y VWO compara cu aña pasa. Ta pendiente ainda di e resultadonan oficial di EPB y EPI.

E mehoracion ta substancial specialmente pa HAVO y VWO. Remarcabel ta cu no obstante normanan mas estricto pa por gradua pa HAVO/VWO introduci aña pasa y e aña aki nos ta mira un mehoracion. E normanan mas estricto ta conforme palabracionnan cu Hulanda pa loke ta “diplomagelijkstelling” y cu a conduci na adaptacionnan den nos leynan cu ta regula examen di HAVO y VWO.

Ta trata aki di dos norma nobo cu a wordo introduci den fase:

  1. e por medio di cifranan di examennan central mester ta un voldoende y
  2. e candidato por tin un solo 5 riba su lista di resultado final pa loke ta e kernvakken Nederlands, Engels of Wiskunde.

 

Resultado di examen

Scol Slagingspercentage
1e tijdvak
Slagingspercentage
1e tijdvak
2014 – 2015 2015 – 2016
Abraham de Veer College 43 % 46 %
Ceque College 58 % 56 %
Colegio San Antonio 68 % 63 %
Filomena College 65 % 57 %
John Wesley College 66 % 70 %
Juliana School 73 % 75 %
La Salle College 72 % 74 %
Maria College 65 % 68 %
Mon Plaisir College 80 % 89 %
St. Augustinus College 84 % 69 %
Colegio Arubano – HAVO (SMOA) 43 % 58 %
Colegio Arubano – VWO (SMOA) 58 % 61 %
Colegio San Nicolas – HAVO (DPS) 28 % 50 %

Conforme informacion cu minister a ricibi por a compronde cu tin varios candidato na e diferente scolnan cu ainda lo mester haci herkansing como tambe “zieken-examens” cu consecuencia cu e cantidad di alumno cu finalmente lo gradua y cu e esey tambe e porcentahe lo ta mas halto despues di 2e tijdvak.

E aña aki por a tuma nota cu diferente scol a adapta y intensiva nan examentraining pa asina garantisa un miho preparacion posibel pa e alumnonan.

Minister Hooyboer-Winklaar ta aplaudi tur e esfuersonan cu ta wordo haci door di e scolnan y e maestronan di scol y ta sigur cu tur e tempo y energia cu ta wordo inverti den guia y sosten na nos alumnonan lo duna su fruto.

E minister ta reconoce cu semper tin espacio pa mehoracion, pero ta contento cu nos tin un mehoracion den e resultadonan di examen e aña aki.

Minister di Enseñansa ta felicita tur alumno cu a gradua cu e logro importante aki y ta desea tur cu ainda mester haci herkansing hopi exito!

 


Info / Contact

>  Dienst Inspectie van het Onderwijs
>  DEA > Examenbureau

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw