Proyecto di renobacion JFK ta start oficialmente

April 24, 2018

Dia 23 di april ultimo a tuma luga e ceremonia pa desvela e inicio di renobacion y expansion di John F. Kennedy Education Center.

Ariba e mainta aki a tuma luga e firmamento entre Minister di Enseñansa, dr. A. R. Lampe, Aruba Investment Bank (AIB) y Bohama Aruba N.V. pa di e forma aki e trabou por cuminsa oficialmente pa cu e renobacion di dicho edificio.

 

Manera ta conoci e edificio anteriormente conoci como John F. Kennedy school a wordo cumpra pa AIB.

E contratista encarga pa cu e renobacion y expansion di e edificio aki ta Bohama Aruba N.V.

E proyecto ta stipula pa wordo completa den 18 luna cu kiermen cu pa fin di 2019 e mester keda cla.

AIB a sera un acuerdo cu lo acomoda tur filial di Departamento di Enseñansa Aruba (DEA) na e edificio di ex John F. Kennedy school ora cu esaki keda completa.

Di e forma aki Gobierno lo paga un solo huur cu lo scapa hopi gasto di huur pa pais Aruba y asina Departamento di Enseñansa Aruba (DEA) lo haya un solo adres cu lo facilita pueblo di Aruba.

Departamento di Enseñansa Aruba (DEA) ta super contento cu e logro aki y ta warda ansiosamente pa e dia yega caminda DEA lo bira uno central.

 


Info / Contact

Pa mas informacion por busca [J] John F. Kennedy Education Center den e alfabet menu riba homepage.

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw