JFK

John F. Kennedy Education Center Aruba


2018

Dia 23 di april 2018 a tuma luga un ceremonia pa anuncia inicio di e proyecto di renobacion y expansion di ex John F. Kennedy School cu lo bira John F. Kennedy Education Center.

Riba e mainta aki a tuma luga e acto di firmamento entre Minister di Enseñansa, dr. A. R. Lampe, Aruba Investment Bank (AIB) y Bohama Aruba N.V. pa di e forma aki e trabou por cuminsa oficialmente.


2017


2013

Na luna di februari 2013 a tuma luga firmamento di un Memorandum of Understanding (MoU) entre SOGA y Gobierno di Aruba pa financiamento di e proyecto aki.

E proyecto ta cla pa bay destaho publico na luna di november 2013. E plan ta proyecta pa bay den ehecucion na cuminsamento di 2014 bou supervision di Dienst Openbare Werken (DOW) y den colaboracion cu Monumenten Bureau pa loke ta trata e parti monumental di e compleho.  E trabou ta calcula di lo tin un duracion di 16 luna.


2012

Na luna di juli 2012 Dienst Openbare Werken (DOW) a haci entrega di e documentonan oficial di e proyecto den forma di un A3 boek na nos Prome Minister y na Minister di Infrastructura.

E ministernan a entrega e projectdossier na Stichting Onroerend Goederen Aruba (SOGA) cu na su turno a traha riba e parti financiero pa por yega na e fondonan necesario.


2011

Desde aña 2011 ta trahando na un plan di construccion y renobacion di e edificio di ex John F. Kennedy School (JFK) na Oranjestad pa ubica e departamentonan publico di Enseñansa y Cultura. Den e compleho nobo tambe lo brinda un espacio na Parlamento Hubenil y eventualmente lo acomoda e oficina di UNESCO. E diferente partidonan cu tabata trahando riba e proyecto aki, e asina yama “JFK-team”, ta consisti di entre otro Dienst Openbare Werken (DOW), Meija Engineering (Constructeur), Pmec (Elektrische adviseurs), Setar, Elmar, WEB, Infra-Commissie, Departamento di Enseñansa Aruba (DEA) y Directie Cultuur. Na algun ocacion a sinta tambe cu Dienst Publieke Scholen (DPS), Inspectie van het Onderwijs, Bureau Traimerdia y Directie Informatievoorziening en Automatisering (DIA).

 


Noticia


Info / Contact

Departamento di Enseñansa Aruba (DEA) 

Scroll To Top
  • © 2011-2018 Department of Education Aruba (DEA)
  • T +297-528-3400
  • F +297-528-3434
  • info@ea.aw