Prome examen digital pa MAVO y HAVO na Aruba
Dia 29 di mei 2013 a tuma luga e prome examen digital na HAVO y MAVO. Esaki tabata pa e materia di CKV (Culturele en Kunstzinnige Vorming).
 |
E scolnan cu ta ofrece e materia aki ta Colegio Arubano, La Salle College, Filomena College y Colegio San Antonio. E grupo di Colegio San Antonio a haci e examen digital na Examenbureau di Departamento di Enseñansa.
E examen digital ta encera cu e examen mester a wordo traha pa medio di un computer.
Tur alumno mester a uza un “koptelefoon” pa por tende e partinan di audio cu tabata parti di e examen.
E aña aki ainda e alumno mester a skirbi e contestanan. Den futuro cercano e examen aki lo ta completamente digital.
Departamento di Enseñansa Aruba (DEA) ta sumamente contento cu e innovacion aki y ta prepara pa den futuro mas examen por wordo traha den forma digital.
Materia di CKV
E examen di e vak CKV ta trata kunstgeschiedenis. Esey ta encera e historia di arte. E ta un concepto di historia cu ta acapara tur sorto di disciplina di arte manera arte plastico, teatro, danza, musica y cine.
 |
Arte ta cambia frontera y ta amplia e horizonte di e alumno. E ta conecta un brug na e propio cultura di e hobennan. Obranan di arte ta haci posibel pa crea experiencianan den nan bida cu lo no ta disponibel of cu nan no lo tin conocemento di dje. Arte ta trece alumnonan den contacto cu imagen, personahe, zonido y acontecimentonan cu nan no lo a of cu e chens lo tawata menos cu nan lo a encontra of reconoce. Tur e experiencianan aki por conduci e alumno pa compronde su mes miho y asina tambe e mundo.
Info / Contact
Pa mas informacion por busca [I] ICT den enseñansa den e alfabet menu riba homepage of por tuma contacto cu DEA > Examenbureau
Scroll To Top
