Plan Nacional di Enseñansa 2030

July 16, 2018

Minister di Enseñansa a inicia e proceso pa yega na un plan nacional di enseñansa. Pa esaki e comision encabesa pa sra. Sheila Maduro ta entrevista varios stakeholders. Entre nan tambe Premier di Aruba sra. Evelyn Wever-Croes.


“Enseñansa ta e caminda pa crea un futuro briyante pa nos pais. Innovacion den enseñansa ta un prioridad. Tanto pa loke ta e infrastructura como e contenido mes. Den e vision pa enseñansa den 2030 nos ta desea di mira lo siguiente: Un situacion den cual tur mucha y hoben por haya les den klasnan no mucho grandi, den edificionan adecua y cu material y ekipo moderno.

Pa loke ta e contenido nos mester enfoca mas riba e habilidadnan cu ta permiti e hoben adapta su mes na situacionnan cu ta cambia hopi liher. Habilidad di comunica y colabora mas. T’asina so nos por prepara nan pa e economia di futuro.

Nos sistema di enseñansa mester ta cuadra cu e demanda riba mercado, p’asina e graduado por haya trabou sin problema una bes e caba su estudio. Nos studiantenan den exterior mester haya oportunidad di bolbe back Aruba pa aporta na nos desaroyo economico.

Mi ta convenci cu a traves di innovacion nos por logra tur esaki. Mi ta felicita Minister di Enseñansa cu e paso importante aki,” Premier Evelyn Wever-Croes a remarca.


Info / Contact

DEA | afdeling Beleid

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw