NOP2030: Proceso



Ronda introductorio Minister

Na final di aña 2017, durante e rondanan introductorio di e Minister nobo di Enseñansa, dr. Lampe, a consulta cu diferente actor den enseñansa y a haya un bista di e puntonan di atencion:


Preparacion y investigacion

Inicialmente e grupo di coordinacion a studia con lo por organisa un proceso participativo unda tur stakeholders lo por duna nan contribucion na un plan Nacional pa Enseñansa:

Como framework a scoge pa traha cu e asina yama “General Eduaction Quality Analysis Framework” (GEQAF) desaroya pa UNESCO hunto cu diferente pais rond mundo, cu e meta pa yega na un ‘framework’ cu por wordo uza pa diferente pais, pa asina analysa y diagnostica e sistema di enseñansa na e pais, usando 15 diferente ‘analytical tools’.


Sesionnan di “Expertanalyses”

Na final di luna di mei 2018 a start cu sesionnan di “Expertanalyses” na unda coordinadornan di diferente seccion di Departamento di Enseñansa a sinta hunto pa asina haci un SWOT-analyse di e NOP 2007-2017. Expertonan di Dienst Inspectie van het Onderwijs como tambe di Directivanan di Scol tambe a haci e mesun ehercicio durante e temporada aki. Banda di esaki a cuminsa haci uzo di e 15 ‘analytical tools’ pa analisa nos sistema di enseñansa y formula un vision pa 2030.


Consulta cu stakeholders

Na luna di juni a cuminsa acerca stakeholders di e sector social, economico y di medio ambiente pa haya mas informacion di e desaroyo general, tanto actual como pa futuro, y tanto na Aruba como internacional. Meta di e consultanan aki ta pa por diseña nos enseñansa di tal manera cu nos alumno y studiantenan por ta bon prepara pa e desaroyonan actual y den futuro.

1. Minister President 15. DIMAS
2. DEZHI 16. Directie Cultuur
3. Bureau Innovatie 17. SER
4. CBS 18. Bureau Europese Unie en Koninrijksrelatie
5. SDG commissie 19. Parlamento di Aruba
6. Directie Sociale Zaken 20. Algemene Rekenkamer Aruba
7. Directie Arbeid en Onderzoek 21. Raad van Advies
8. Directie Volksgezondheidsdienst 22. Directie Financiën
9. Directie Natuur en Milieu 23. Fundacion pa nos Comunidad
10. Veiligheidshuis 24. Mensenrechtencommissie
11. ATA 25. Kinderrechtencommissie
12. KvK 26. Stichting Aruba Birdlife Conservation
13. UA 27. ATIA
14. IPA 28. Parke Nacional Arikok

Consulta cu stakeholders cu ta representa Mucha y Hoben

Siguientemente na luna di augustus 2018 lo tuma luga algun ronda di consulta cu stakeholders cu ta representa e mucha y hobennan, manera entre otro Parlamento Hubenil, Kinderraad, Telefoon pa Hubentud, Fundacion pa nos Muchanan, Fundacion Respetami,  Magec y Brenchi entre otro. Meta di e consultanan aki ta pa haya sa mas di e necesidad di e hoben y mucha.


Encuesta

Na luna di oktober 2018 lo haci un encuesta cerca e personal di scol: cabesante/directornan di scol y maestro y docentenan. Meta di e encuesta ta pa haya mas informacion di e percepcion di e enseñansa actual y e vision pa enseñansa den futuro.


 

Scroll To Top
  • © 2011-2019 Department of Education Aruba (DEA)
  • T +297-528-3400
  • F +297-528-3434
  • info@ea.aw